ថ្ងៃអាទិត្យ ទី២១ ខែសីហា ឆ្នាំ២០១១ ម៉ោង ១៦:០៤
កោះសន្តិភាព
ក្នុងជំនួបសម្តែងការគួរសម
រាជធានីភ្នំពេញ ៖
ក្នុងជំនួបសម្តែងការគួរសមជាមួយសម្តេចអគ្គមហាសេនាបតីតេជោហ៊ុន
សែន នាយករដ្ឋមន្ត្រីនៃព្រះរាជាណាចក្រកម្ពុជា
នារសៀវថ្ងៃទី១៩ ខែសីហា ឆ្នាំ២០១១ នៅវិមានសន្តិភាព
លោកឧត្តមសេនីយ៍ទោ ដូ បាទី (DO Baty)
អនុរដ្ឋមន្ត្រីក្រសួងការពារប្រទេសនិងជាប្រធានអគ្គសេនាធិការ
កងទ័ពប្រជាជនវៀតណាម មានប្រសាសន៍ថា
ក្នុងដំណើរទស្សនកិច្ចមកកាន់ប្រទេសកម្ពុជានៅពេលនេះ
លោកបានជួបពិភាក្សាជាមួយលោកឧបនាយករដ្ឋមន្ត្រីទៀ បាញ់
និងលោកនាយឧត្តមសេនីយ៍ប៉ុល សារឿន
ក្នុងក្របខណ្ឌពង្រឹងពង្រីកកិច្ចសហប្រតិបត្តិការរវាង
កងទ័ពនៃប្រទេសទាំងពីរវៀតណាម-កម្ពុជា ។
លោកឧត្តមសេនីយ៍ទោមានប្រសាសន៍ថា
កន្លងមកលោកបានដឹងច្បាស់ពីផលលំបាករបស់កម្ពុជា
អ្វីដែលកម្ពុជាបានឆ្លងកាត់ជាមួយនឹងថៃ
ប៉ុន្តែទោះបីជាយ៉ាងណាក៏ដោយ
ក្រោមការដឹកនាំដ៏ឈ្លាសវៃរបស់សម្តេចតេជោ នាយករដ្ឋមន្ត្រី
កម្ពុជានៅតែទទួលបានសុខសន្តិភាព ស្ថិរភាព
និងមានការអភិវឌ្ឍលើគ្រប់វិស័យពិសេសវិស័យសេដ្ឋកិច្ច។
លោកឧត្តមសេនីយ៍ទោមានប្រសាសន៍សង្កត់ធ្ងន់ថា
កងទ័ពនិងប្រជាជនវៀតណាមនឹងបន្តគាំទ្រនូវរាល់វិធីដោះស្រាយ
បញ្ហាព្រំដែនរបស់សម្តេចតេជោនាយករដ្ឋមន្ត្រី
ក្នុងការប្រែក្លាយតំបន់ព្រំដែនឱ្យទៅជាតំបន់សន្តិភាព
និងអភិវឌ្ឍន៍ ។
នេះគឺជាក្តីសង្ឃឹមរបស់ប្រជាពលរដ្ឋទាំងអស់ដែលរស់នៅតាមព្រំដែន
ហើយតាមរយៈនេះ
កងទ័ពវៀតណាមនឹងបន្តសហការជាមួយនឹងកងទ័ពកម្ពុជាតាមអ្វីដែល
បានគ្រោងទុក ។
នៅក្នុងជំនួបនេះដែរ លោកឧត្តមសេនីយ៍ទោ ដូ
បាទី បានថ្លែងអំណរគុណសម្តេចតេជោនាយករដ្ឋមន្ត្រី
និងរាជរដ្ឋាភិបាលកម្ពុជា
ដែលបានខិតខំប្រឹងប្រែងអស់ពីកម្លាំងកាយចិត្ត
ជួយស្វែងរកអដ្ឋិធាតុកងទ័ពស្ម័គ្រចិត្តវៀតណាម
ដែលបានពលីជីវិតនៅកម្ពុជា
ដើម្បីធ្វើមាតុភូមិនិវត្តន៍ទៅកាន់ប្រទេសវិញ ។
សម្តេចតេជោនាយករដ្ឋមន្ត្រីមានប្រសាសន៍
វាយតម្លៃខ្ពស់ចំពោះទំនាក់ទំនង
និងកិច្ចសហប្រតិបត្តិការរវាងកងទ័ពទាំង២កម្ពុជា-វៀតណាម ។
សម្តេចមានប្រសាសន៍បន្តថា
អតីតកងទ័ពវៀតណាមដែលបានពលីជីវិតនៅកម្ពុជា
គឺបានបូជាសាច់ស្រស់ឈាមស្រស់ដើម្បីជួយដល់កម្ពុជា
ក្នុងន័យនេះកម្ពុជាប្តូរផ្តាច់ស្វែងរកអដ្ឋិធាតុដើម្បីធ្វើ
មាតុភូមិនិវត្តន៍ដល់ក្រុមគ្រួសារដែលបានបាត់បង់ប្តី បងប្អូន
កូនចៅជាទីស្រឡាញ់របស់ខ្លួន ៕
ไม่มีความคิดเห็น:
แสดงความคิดเห็น