ថ្ងៃសុក្រ ទី២០ ខែឧសភា ឆ្នាំ២០១១ ម៉ោង ១៨:៣៨
ក្រុងប៉ោយប៉ែត ៖
ស្ត្រីម្នាក់ដេកស្លាប់ក្នុងអាងទឹករយៈពេល៣ថ្ងៃ ទើបគេដឹង
ហើយមន្ត្រីជំនាញកងរាជអាវុធហត្ថក្រុងកំពុងធ្វើការស្រាវ
ជ្រាវអំពីករណីនេះ។ តាមការបំភ្លឺពីកូនស្រីឈ្មោះយឹម ណៃគីម
អាយុ១៦ឆ្នាំ បានរៀបរាប់ថា ម្តាយរបស់នាងដែលស្លាប់នេះឈ្មោះយឹម
សុឃីម អាយុ៣៨ឆ្នាំ មានស្រុកកំណើតនៅភូមិចក ឃុំចក ស្រុកអូររាំងឪ
ខេត្តកំពង់ចាម បច្ចុប្បន្នស្នាក់នៅភូមិក្បាលស្ពាន
សង្កាត់ប៉ោយប៉ែត ក្រុងប៉ោយប៉ែត និងមានមុខរបរជាមេឆ្នោត។ម្តាយរបស់នាងជាស្ត្រីមេម៉ាយរស់នៅតែម្នាក់ឯងក្នុងផ្ទះកើត ហេតុនេះ ចំណែករូបនាងរស់នៅជាមួយជីតាក្នុងក្រុងប៉ោយប៉ែតនេះដែរ។ នាងរៀបរាប់ថា កាលពីវេលាម៉ោង១០ព្រឹក ថ្ងៃទី១៧ ឧសភា រូបនាងបានទូរស័ព្ទទៅម្តាយពីលទ្ធផលឆ្នោត ចំណែកម្តាយឆ្លើយតបវិញថា មិនទាន់ដឹងទេ ព្រោះមិនទាន់បូកសរុបរួច។ បន្ទាប់មកនៅថ្ងៃទី១៩ ឧសភា រូបនាងបានទូរស័ព្ទទៅម្តងទៀត តែទូរស័ព្ទមិនចូល។
នាងយឹម ណៃគីម រៀបរាប់ទៀតថា
លុះនៅយប់ថ្ងៃដដៃល
រូបនាងបានព្យាយាមទូរស័ព្ទមករកទៀតក៏នៅតែមិនចូល
ហើយបានទាក់ទងមកទូរស័ព្ទលើតុចូលតែគ្មានអ្នកលើក។
ដោយមានការសង្ស័យ វេលាម៉ោង១១ព្រឹក ថ្ងៃទី២០ ឧសភា នេះ
រូបនាងនិងជីតាក៏នាំគ្នាមកមើលឃើញផ្ទះបិទទ្វារ
ហើយចាក់សោពីក្នុងតែមិនបានចុចសោបិទទេ
ក៏នាំគ្នាគាស់ទ្វារចូលទៅ
ឃើញម្តាយនាងដេកស្លាប់ផ្កាប់មុខក្នុងអាងទឹកក្នុងផ្ទះល្វែងជាន់
ក្រោម ក្នុងបន្ទប់ទឹកស្លាប់ហើមអណ្តែតពេញអាងទឹក
ទើបរាយការណ៍ឱ្យសមត្ថកិច្ចមកជួយស្រាវជ្រាវរកមូលហេតុនៃការ
ស្លាប់នេះ។
ក្នុងការចុះត្រួតពិនិត្យសពស្ត្រីខាងលើ
សមត្ថកិច្ចកងរាជអាវុធហត្ថក្រុង
និងប៉ូលិសក្រុងប៉ោយប៉ែតបានសន្និដ្ឋានជាជំហានដំបូងថា
ស្ត្រីរូបនេះស្លាប់អស់រយៈពេល៣ថ្ងៃមកហើយ។
ចំពោះការស្លាប់នេះគឺស្ត្រីរងគ្រោះធ្វើអត្តឃាតដោយការលេបថ្នាំ
ពីព្រោះនៅកន្លែងកើតហេតុសមត្ថកិច្ចរកឃើញសំបកមួយចំនួនដែល
បន្សល់ទុកនៅទីនោះ។
ការអះអាងជំហានដំបូងនេះថាជាការធ្វើអត្តឃាតមិនទាន់បានដឹង
ពីមូលហេតុពិតប្រាកដនៅឡើយទេ៕
ไม่มีความคิดเห็น:
แสดงความคิดเห็น