កាសែតភ្នំពេញប៉ុស្ត៍ជាភាសាខ្មែរ កាលពីថ្ងៃម្សិលមិញបានរាយការណ៍ថាថាក់ស៊ីនបានស្ថិតនៅកម្ពុជា យ៉ាងហោចណាស់ចាប់តាំងពីថ្ងៃសុក្រមក។តែទីប្រឹក្សាមួយរូបរបស់ នាយករដ្ឋមន្ត្រីកម្ពុជានិងក្រសួងការបរទេសកម្ពុជាបានបដិសេធមិន បញ្ជាក់អះអាងថារបាយការណ៍នេះពិតឬមិនពិត ដោយគ្រាន់តែនិយាយថាថាក់ស៊ីនអាចចេញចូលកម្ពុជាដោយសេរីតាមចិត្តលោក ចង់។
នាយករដ្ឋមន្ត្រីថៃ យីងឡាក់ ស៊ីណាវ៉ាត្រា ដែលជាប្អូនស្រីរបស់ថាក់ស៊ីន បានមានប្រសាសន៍ថា"ទេ! គាត់មិនបានទៅកម្ពុជាទេ"។
ចំណែកទីប្រឹក្សាច្បាប់របស់ថាក់ស៊ីន លោក ណុបផាដុន ផាតាម៉ា បាននិយាយថាអតីតនាយករដ្ឋមន្ត្រីរូបនេះបានស្ថិតនៅប្រទេសចិននិង កំពុងត្រៀមធ្វើដំណើរទៅជប៉ុនដើម្បីធ្វើបាឋកថានិងទស្សនាតំបន់ រងគ្រោះដោយស៊ូណាមី។លោកបានបដិសេធរបាយការណ៍ដែលថាថាក់ស៊ីនបាន ធ្វើដំណើរមកកម្ពុជាដោយថាកំណត់ត្រារបស់ក្រុមហ៊ុនអាកាសចរណ៍នឹង បញ្ជាក់រឿងនេះ។
មុននេះលោកណុបផាដុនបាននិយាយថាលោកថាក់ស៊ីនបានផ្អាក ការធ្វើដំណើរមកកម្ពុជាតែអាចមកនៅពេលណាមួយបន្ទាប់ពីការធ្វើដំណើរ ទៅជប៉ុន។
ไม่มีความคิดเห็น:
แสดงความคิดเห็น