ខេត្តកណ្តាល ៖ រថយន្តកូរ៉េចំណុះ១តោនកន្លះមួយគ្រឿងដឹកកម្មករ កម្មការិនីរោងចក្រកាត់ដេរយ៉ុងវ៉ា ប្រមាណជាង៣០នាក់ ដើម្បីយកទៅដាក់នៅតាមផ្ទះក្នុងស្រុកកណ្តាលស្ទឹងបានបែកកង់ក្រោយខាងស្តាំក្រឡាប់ជះមនុស្សចេញពីរថយន្ត បណ្តាលឱ្យកម្មករ កម្មការិនីប្រមាណជាង១០នាក់ របួសធ្ងន់ និងស្រាល កាលពីវេលាម៉ោង៨និង៣០នាទីយប់ថ្ងៃទី១ សីហា នៅតាមបណ្តោយផ្លូវជាតិលេខ២ ស្ថិតក្នុងភូមិស្រុកធំ ឃុំជើងកើប ស្រុកកណ្តាលស្ទឹង។
សាក្សីដែលឃើញហេតុកាណ៍នេះបានឱ្យដឹងថា នៅមុនពេលកើតហេតុ រថយន្តកូរ៉េចំណុះ១តោនកន្លះ ពណ៌ខៀវមួយគ្រឿង ពាក់ស្លាកលេខ
ញ-២៩៥២ ភព២ ដឹកកម្មករ កម្មការិនីរោងចក្រកាត់ដេរយ៉ុងវ៉ាក្នុងក្រុងតាខ្មៅ ប្រមាណជាង៣០នាក់ ធ្វើដំណើរចេញពីក្រុងតាខ្មៅ ឆ្ពោះទៅស្រុកកណ្តាលស្ទឹង ដើម្បីយកកម្មករ កម្មការិនីដាក់តាមផ្ទះដូចសព្វដង។ លុះពេលដល់ចំណុចកើតហេតុខាងលើ រថយន្តបានបែកកង់ក្រោយខាងស្តាំ រួចក៏ក្រឡាប់ជះកម្មករ កម្មការិនី ចេញពីរថយន្តដេករដូករណែលពេញផ្លូវជាតិលេខ២ បណ្តាលឱ្យកម្មករ កម្មការិនី របួសធ្ងន់ និងស្រាលប្រមាណជាង១០នាក់ ។ ក្រោយពីហេតុការណ៍នេះកើតឡើងកម្មករ កម្មការិនីដែលរងរបួសធ្ងន់ និងស្រាលទាំងអស់ ត្រូវដឹកយកទៅសង្គ្រោះនៅមន្ទីរពេទ្យក្នុងរាជធានីភ្នំពេញ ។ សមត្ថកិច្ចប៉ូលិសស្រុកកណ្តាលស្ទឹងបានឱ្យដឹងថា ចំពោះករណីក្រឡាប់រថយន្តដឹកកម្មករ រោងចក្រកាត់ដេរយ៉ុងវ៉ាខាងលើនេះ អ្នកបើកបររថយន្តបានរត់គេចបាត់ បន្ទាប់ពីកើតហេតុភ្លាមៗនោះ ។ គ្រោះថ្នាក់នេះមិនបណ្តាលឱ្យមានមនុស្សស្លាប់នោះទេ ហើយសមត្ថកិច្ចកំពុងធ្វើការស្រង់ឈ្មោះ និងអាសយដ្ឋានរបស់ជនរងគ្រោះទាំងអស់តាមមន្ទីរពេទ្យនានា។ ចំនួនអ្នករបួសធ្ងន់ និងស្រាលពិតប្រាកដនឹងជម្រាបជូនក្នុងពេលក្រោយ៕
ញ-២៩៥២ ភព២ ដឹកកម្មករ កម្មការិនីរោងចក្រកាត់ដេរយ៉ុងវ៉ាក្នុងក្រុងតាខ្មៅ ប្រមាណជាង៣០នាក់ ធ្វើដំណើរចេញពីក្រុងតាខ្មៅ ឆ្ពោះទៅស្រុកកណ្តាលស្ទឹង ដើម្បីយកកម្មករ កម្មការិនីដាក់តាមផ្ទះដូចសព្វដង។ លុះពេលដល់ចំណុចកើតហេតុខាងលើ រថយន្តបានបែកកង់ក្រោយខាងស្តាំ រួចក៏ក្រឡាប់ជះកម្មករ កម្មការិនី ចេញពីរថយន្តដេករដូករណែលពេញផ្លូវជាតិលេខ២ បណ្តាលឱ្យកម្មករ កម្មការិនី របួសធ្ងន់ និងស្រាលប្រមាណជាង១០នាក់ ។ ក្រោយពីហេតុការណ៍នេះកើតឡើងកម្មករ កម្មការិនីដែលរងរបួសធ្ងន់ និងស្រាលទាំងអស់ ត្រូវដឹកយកទៅសង្គ្រោះនៅមន្ទីរពេទ្យក្នុងរាជធានីភ្នំពេញ ។ សមត្ថកិច្ចប៉ូលិសស្រុកកណ្តាលស្ទឹងបានឱ្យដឹងថា ចំពោះករណីក្រឡាប់រថយន្តដឹកកម្មករ រោងចក្រកាត់ដេរយ៉ុងវ៉ាខាងលើនេះ អ្នកបើកបររថយន្តបានរត់គេចបាត់ បន្ទាប់ពីកើតហេតុភ្លាមៗនោះ ។ គ្រោះថ្នាក់នេះមិនបណ្តាលឱ្យមានមនុស្សស្លាប់នោះទេ ហើយសមត្ថកិច្ចកំពុងធ្វើការស្រង់ឈ្មោះ និងអាសយដ្ឋានរបស់ជនរងគ្រោះទាំងអស់តាមមន្ទីរពេទ្យនានា។ ចំនួនអ្នករបួសធ្ងន់ និងស្រាលពិតប្រាកដនឹងជម្រាបជូនក្នុងពេលក្រោយ៕
ไม่มีความคิดเห็น:
แสดงความคิดเห็น