ពន្ធនាគារព្រៃស
លោក ហ្វីល រ៉ូបឺតសុន ប្រធានប្រចាំតំបន់អាស៊ី នៃអង្គការឃ្លាំមើលសិទ្ធិមនុស្សបាននិយាយថា «អ្នកទោសដែលបានសរសេរ blog នេះ គឺក្លាហានស្ទើរតែមិនគួរឲ្យជឿ ដែលហ៊ាននិយាយពីអ្វីដែលមនុស្សគ្រប់គ្នាដឹង ប៉ុន្តែជាអ្វីដែលមណ្ឌលកែប្រែនេះតែងតែព្យាយាមលាក់បាំងនិយាយថា ពន្ធនាគារនានារបស់ប្រទេសកម្ពុជាមានសភាពចង្អៀតណែនយ៉ាងខ្លាំង និងនិយាយថា មានលុយអាចធ្វើអ្វីក៏បាននៅក្នុងពន្ធនាគារដ៏ពុករលួយមួយ ជាទីដែលឆ្មាំពន្ធនាគារមានឋានៈស្មើស្តេច និងមានរបស់របរលក់គ្រប់មុខ ហើយអ្នកដែលគ្មានធនធានប្រឈមនឹងកង្វះអាហារ ការថែទាំសុខភាពដែលអន់ ឬអត់មានសោះ និងការរំលោភបំពាន»។
លោក អំ សំអាត ប្រធានបច្ចេកទេសស៊ើបអង្កេតរបស់អង្គការលីកាដូបាននិយាយថា «ប្រធានបទមួយចំនួនមិនត្រូវបានអនុញ្ញាតឲ្យផ្សព្វផ្សាយជាសាធារណៈ ឡើយ ពីព្រោះវាអាចធ្វើឲ្យប៉ះពាល់ដល់កេរ្តិ៍ឈ្មោះពន្ធនាគារ។ ការសរសេរនេះ ប្រសិនបើជាការពិតមែននោះ វានឹងឈានទៅដល់ការស៊ើបអង្កេតមិនខាន»។
ប៉ុន្តែទោះជាយ៉ាងណាក៏ដោយលោក ស្រ៊ុន លាង ប្រធានមណ្ឌលកែប្រែទី១ នៃពន្ធនាគារព្រៃស បាននិយាយថា លោកនៅមិនទាន់ដឹងពី blog នេះនៅឡើយទេ។ ដោយថា «ខ្ញុំមិនដឹងពី blog នេះទេ។ ខ្ញុំមិនដឹងថា គេទទួលបានសេវាអ៊ីនធឺណេតដោយរបៀបណានោះឡើយ។ តើវាជាអ្វី? តើវាជាលិខិតមួយឬ? តើវាអាចចេញតាមអ៊ឺនធឺណេតបានដោយរបៀបណាទៅ?»៕
ไม่มีความคิดเห็น:
แสดงความคิดเห็น