ដោយ ៖ ប្រុសកោះ
ថ្ងៃអាទិត្យ ទី២១ ខែសីហា ឆ្នាំ២០១១ ម៉ោង ១៦:០៧
កោះសន្តិភាព
ទិដ្ឋភាពនៃពិធី
ខេត្តព្រះវិហារ ៖ កាលពីព្រឹកថ្ងៃទី២០
សីហា កន្លងទៅនេះ នៅស្នាក់ការគណៈកម្មាធិការគណបក្សស្រុកជ័យសែន
មានរៀបចំពិធីផ្សព្វផ្សាយសេចក្ដីសម្រេចចិត្ដសន្និបាតគណៈកម្មាធិការ
កណ្ដាលគណបក្សប្រជាជនកម្ពុជា លើកទី៣៦ អាណត្ដិទី៥
និងមានការតែងតាំងលោកលឹម ម៉ៅ អនុប្រធានខណ្ឌរដ្ឋបាលព្រៃឈើព្រះវិហារ
ជាអនុប្រធានក្រុមការងារថ្នាក់ខេត្ដ ចុះជួយស្រុកជ័យសែន។
ពិធីនេះប្រព្រឹត្ដធ្វើឡើងក្រោមអធិបតីភាពលោកអ៊ុំ
ម៉ារ៉ាអភិបាលខេត្ដ
និងជាប្រធានគណៈកម្មាធិការគណបក្សប្រជាជនខេត្ដ
និងមានការចូលរួមពីសមាជិក សមាជិកា
គណបក្សប្រជាជនមកពីបណ្ដាឃុំនៅទូទាំងស្រុកជ័យសែន
សរុបប្រមាណ៥៥០នាក់។
លោកថោង សាគឿន
ប្រធានគណៈកម្មាធិការគណបក្សប្រជាជនស្រុកជ័យសែន
បានអានរបាយការណ៍ស្ដីពីលទ្ធផល និងសកម្មភាពដែល
គណបក្សប្រជាជនស្រុកអនុវត្ដបានល្អនូវរាល់គោលនយោបាយដឹកនាំដ៏
ត្រឹមត្រូវរបស់គណបក្សប្រជាជនកម្ពុជា
ធ្វើឱ្យប្រជាជននៅទូទាំងស្រុក
មានជំនឿយ៉ាងមុតមាំទៅលើការដឹកនាំរបស់គណបក្សប្រជាជនកម្ពុជា
ធ្វើឱ្យស្រទាប់យុវជនដែលទើបពេញវ័យនៅទូទាំងស្រុក
ស្ម័គ្រចិត្ដចូលជាសមាជិក សមាជិកាគណបក្សប្រជាជនច្រើនបន្ថែមទៀត។
លោកហន ឆន
អនុប្រធានក្រុមការងារថ្នាក់ខេត្ដចុះជួយស្រុកជ័យសែន
បានអានសេចក្ដីសម្រេចលេខ១៨ ស.ណ របស់ គ១៨ ចុះថ្ងៃទី៩ សីហា
ឆ្នាំ២០១១ តែងតាំងលោកលឹម ម៉ៅ ជាអនុប្រធានក្រុមការងារ
ចុះជួយស្រុកជ័យសែន។ លោកឈុន ឆេង តំណាងឱ្យលោកចាន់ សុភ័ក្ដ្រា
ប្រធានក្រុមការងារថ្នាក់កណ្ដាលចុះជួយស្រុកជ័យសែន
បានអានរបាយការណ៍សន្និបាតគណៈកម្មាធិការកណ្ដាលលើកទី៣៦ អាណត្ដិទី៥
ជូនអង្គពិធី ដើម្បីឱ្យសមាជិក សមាជិកាគណបក្សប្រជាជនកម្ពុជា
បានជ្រាបក្នុងការដឹកនាំ និងការអភិវឌ្ឍប្រទេសជាតិ
ជួយកាត់បន្ថយភាពក្រីក្រជូនដល់ប្រជាពលរដ្ឋនៅទូទាំងប្រទេស។
លោកអ៊ុំ ម៉ារ៉ា បានមានប្រសាសន៍សំណេះ សំណាលថា
សមាជិក
សមាជិកាគណបក្សធ្វើយ៉ាងណាត្រូវនាំគ្នាទៅពិនិត្យឈ្មោះរបស់ខ្លួននៅ
តាមស្នាក់ការឃុំដែលខ្លួនរស់នៅ
ដើម្បីបំពេញកាតព្វកិច្ចជាពលរដ្ឋក្នុងការចូលរួមបោះឆ្នោតជ្រើសរើស
ក្រុមប្រឹក្សា ឃុំសង្កាត់ ឆ្នាំ២០១២
និងត្រៀមបន្ដទៅបោះឆ្នោតសាកល ឆ្នាំ២០១៣ ទៀត
ដើម្បីជ្រើសតាំងសម្ដេច ហ៊ុន សែន ជានាយករដ្ឋមន្ដ្រី
អាណត្ដិទី៥និងអាណត្ដិក្រោយៗបន្ដទៀត។
នាព្រឹកនោះ លោកលឹម ម៉ៅ
បានជួយឧបត្ថម្ភម៉ាស៊ីនភ្លើងកម្លាំង១៥សេះ ឌីណាម៉ូ៥គីឡូវ៉ាត់
និងថវិកា៥០ម៉ឺនរៀល ជូនដល់ស្នាក់ការគណបក្សឃុំច្រាច់
និងឧបត្ថម្ភថវិកា២លានរៀលសម្រាប់ការរៀបចំពិធីនាព្រឹកនោះផងដែរ ។
ចំណែកលោកហន ឆន បានឧបត្ថម្ភមីក្រូ
និងអំព្លីមួយកំប្លេជូនដល់ស្នាក់ការគណបក្សឃុំច្រាច់។ លោកគង់
សោភ័ណ សមាជិកក្រុមការងារថ្នាក់ខេត្ដចុះជួយស្រុកជ័យសែន
ជួយឧបត្ថម្ភមីក្រូ
និងអំព្លីដល់ស្នាក់ការគណបក្សឃុំតស៊ូ១កំប្លេ។
ចំណែកលោកអ៊ុំ ម៉ារ៉ា បានឧបត្ថម្ភឃុំស្អាង,
ឃុំធ្មា, ឃុំពុទ្រា, ឃុំខ្យង និងឃុំតស៊ូ
ក្នុងមួយឃុំៗមាស៊ីនភ្លើង១គ្រឿង កម្លាំង១៥សេះ ឌីណាម៉ូ៥គីឡូវ៉ាត់
និងមីក្រូអំព្លី១កំប្លេ និងថវិកាសម្រាប់៦ឃុំ
ក្នុងមួយឃុំៗ៣០ម៉ឺនរៀល។ ក្រៅពីនោះ គណបក្សខេត្ដ
នឹងជួយស្ថាបនាផ្លូវលំប្រវែង៨គីឡូម៉ែត្រ
តភ្ជាប់ពីឃុំខ្យងទៅដល់ឃុំច្រាច់មួយខ្សែ។ ឯប្រជាពលរដ្ឋជាសមាជិក
សមាជិកាគណបក្សដែលបានចូលរួម៥៥០នាក់
ក្នុងម្នាក់ៗទទួលបានអាវយឺត១ផងដែរ៕
ไม่มีความคิดเห็น:
แสดงความคิดเห็น