ថ្ងៃអាទិត្យ ទី២១ ខែសីហា ឆ្នាំ២០១១ ម៉ោង ១៦:១៤
ប្រេងសាំងនៅលើទីផ្សារអន្តរជាតិ
កំពុងធ្លាក់ចុះជាបន្តទៀត បន្ទាប់ពីក្រុមអ្នកឧស្សាហកម្ម
និងសេដ្ឋកិច្ចពិភពលោកបានបង្ហាញប្រតិកម្មខ្លាំងៗពីការធ្លាក់
ចុះសេដ្ឋកិច្ចនៅសហរដ្ឋអាមេរិក
និងតម្លៃប្រាក់ដុល្លារកើនឡើង
ប៉ុន្តែតម្លៃប្រេងសាំងនៅតាមស្ថានីយក្នុងប្រទេសកម្ពុជាបែរជា
ហក់ឡើងខ្ពស់ទៅវិញ
ដែលជាការបង្ហាញពីការក្រឡុកតម្លៃស្រេចតែចិត្តរបស់ឈ្មួញ
ហើយរដ្ឋាភិបាលនៅឡើយរកវិធីបន្ធូរបន្ថយតម្លៃមិនទាន់បាន។
តម្លៃប្រេងនៅលើទីផ្សារអន្តរជាតិពេលនេះជាង
៨២ដុល្លារក្នុង១ធុងតែប៉ុណ្ណោះ...ប៉ុន្តែសម្រាប់កម្ពុជាវិញ
ប្រេងសាំងធម្មតាតម្លៃ៥.០៥០រៀល
និងប្រេងសាំងស៊ុបពែរតម្លៃ៥.៣៥០រៀល
តម្លៃបែបនេះនៅតែមានកម្រិតខ្ពស់ដដែលបើប្រៀបធៀបនឹងប្រទេស
ជិតខាងមានតម្លៃ៤.០០០រៀលចុះក្រោមនៅប្រទេសវៀតណាម និងថៃ។
តម្លៃប្រេងអាមេរិកមួយធុង៨១ដុល្លារកាលពីថ្ងៃទី១៩ សីហា ២០១១
ដោយសារតែប្រាក់ដុល្លារឡើងថ្លៃ
និងសេដ្ឋកិច្ចអាមេរិកចុះខ្សោយបន្តិច
ហើយពេលនេះបង្កើតឱ្យមានភាពភ័យខ្លាចពីការចុះថយនៃតំរូវ
ការប្រេងសម្រាប់ប្រទេសដែលប្រើប្រាស់ប្រេងច្រើន
ជាងគេបំផុតក្នុងពិភពលោក។ប្រាក់ដុល្លារត្រូវបានគេប្រមូលទិញកើនឡើង
តិចតួចនៅអាស៊ីនាថ្ងៃទី១៩ សីហា
បន្ទាប់ពីទិន្នន័យសេដ្ឋកិច្ចអាមេរិកបង្ហាញពីភាពចុះអន់ថយនិងដោយ
សារក្តីបារម្ភពីធនាគារអឺរ៉ុបបង្ហាញពីភាពមិនច្បាស់លាស់ដល់អ្នកវិនិយោគ
លើវិស័យរូបិយវត្ថុដែលប្រការនេះធ្វើឱ្យប្រាក់ដុល្លារកើនឡើង
០,២ភាគរយ។
សកម្មភាពរោងចក្រនៅអាមេរិកបានធ្លាក់ចុះកាលពីដើម
ខែសីហា ២០១១
ហើយការលក់អចលនទ្រព្យនៅអាមេរិកក៏ធ្លាក់ចុះនឹកស្មានមិន
ដល់កាលពីខែមុនផងដែរ។ មន្ត្រីធនាគារកណ្តាលអាមេរិកនិយាយថា រយៈពេលនេះ
សេដ្ឋកិច្ចអាមេរិកកើនឡើងយឺតខ្លាំងពេកក្នុងឆមាសទីមួយមិនដូចការរំពឹងទុក
ទាល់តែសោះ ដែលជាប្រការមួយធ្វើឱ្យគេ
ពិបាកការព្យាករណ៍ពីល្បឿននៃការស្តារសេដ្ឋកិច្ចឡើងវិញ។
ប្រទេសចិននិងសហរដ្ឋអាមេរិកបានចែករំលែកការទទួលខុសត្រូវ
ដើម្បីផ្តល់ទំនុកចិត្តទៅលើការពង្រីកសេដ្ឋកិច្ចពិភពលោក
ហើយការស្តារសេដ្ឋកិច្ចរបស់សហរដ្ឋអាមេរិកឡើងវិញ
គឺជាតម្រូវការខ្លាំងសម្រាប់ផ្តល់ទំនុកចិត្តដល់សេដ្ឋកិច្ច
ពិភពលោក៕
ไม่มีความคิดเห็น:
แสดงความคิดเห็น