សកម្មភាពបូមខ្សាច់ចាក់ពន្លិចផ្ទះអ្នកភូមិបឹងកក់
ក្រុមអ្នកភូមិបាននិយាយថា ពេលនេះនៅភូមិទី២២ កំពុងត្រូវបានក្រុមហ៊ុនបូមដីចាក់ធ្វើឲ្យលិចលង់ផ្ទះរបស់ពួក គាត់មិនអាចរស់នៅបាន។ហើយបើទោះបីជាពួកគាត់បាន ដង្ហោយ ទាម ទារ រកអន្តរាគមន៏យ៉ាង ណា ក៏ក្រុមអាជ្ញាធរ នៅតែធ្វើ មិនដឹងមិន ឭ ដែរ។
ប៉ុន្តែ យ៉ាងណាក៏ដោយ អ្នកស្រី ទេព វន្នី បានព្រមាននៅព្រឹកមិញថា បើក្រុមហ៊ុន នៅតែបន្តបូមខ្សាច់ដាក់ផ្ទះសម្បែងរបស់ពួកគាត់ទៀត នៅដើមសប្ដាហ៏ ក្រោយក្រុមអ្នកភូមិនឹងលើកគ្នាទៅតវ៉ានៅមុខសាលាក្រុងភ្នំពេញទៀត ដើម្បី ឲ្យ កែប ជុតិមា ផ្ដល់ដំណោះស្រាយ ជាក់លាក់សម្រាប់អ្នកភូមិ។
គួបញ្ជាក់ថា ក្រុមអ្នកភូមិបឹងកក់ ដែលនៅសេសសល់ជាង ១ពាន់គ្រួសារបាន សម្រេច ចិត្ដចុងក្រោយនៅក្នុងការបញ្ចប់ការតវ៉ាដ៏រ៉ាំរ៉ៃរបស់ពួកគេ ដោយបានទាមទារ ឲ្យក្រុមហ៊ុននិងសាលា ក្រុងផ្ដល់ដីមកឲ្យពួកគេ ១គ្រួសារទំហំ៤មx១៦ម សម្រាប់ ការសាងសង់ លំនៅដ្ឋាននៅនឹងកន្លែង។ប៉ុន្តែសំណើនេះត្រូវបានច្រាន ចោល ដោយសាលាក្រុងភ្នំពេញ កាលពីថ្ងៃទី៥កក្កដាកន្លងទៅ ហើយជាមួយគ្នាចៅហ្វាយក្រុង កែប ជុតិមា បានប្រកាសឲ្យក្រុមហ៊ុនដែលទទួលបានសិទ្ធិវិនិយោគរយៈពេល៩៩ឆ្នាំនេះ ចាប់ផ្ដើមដំណើរការសាងសង់ ដែលជាការចំអកដ៏អាក្រក់បំផុតចំពោះទឹកភ្នែករបស់អ្នកភូមិនៅ ក្នុងតំបន់នេះ៕
ไม่มีความคิดเห็น:
แสดงความคิดเห็น