ថ្ងៃអាទិត្យ ទី៣ ខែកក្កដា ឆ្នាំ២០១១ ម៉ោង ១៤:១៤
រាជធានីភ្នំពេញ ៖
សមាគមខ្មែរក្រោមចំនួន៩
បានសរសេរលិខិតរួមគ្នាមួយចុះថ្ងៃទី៣០ មិថុនា ២០១១
ផ្ញើជូនលោកហ្វ្រង់ស្វ័រ ហ្វីយ៉ុង
ក្នុងពេលដែលលោកបានបំពេញទស្សនកិច្ចពីរថ្ងៃនៅក្នុង
ព្រះរាជាណាចក្រកម្ពុជា
ដើម្បីឱ្យបារាំងផ្តល់ឯកសារស្តីពីអ្វីដែលរដ្ឋាភិបាលបារាំងកាត់
ដីកម្ពុជាក្រោមឱ្យទៅវៀតណាម។
សមាគមខ្មែរក្រោមបន្តថា នៅថ្ងៃទី២ និងទី៣
កក្កដា ២០១១ លោកនាយករដ្ឋមន្ត្រីសាធារណរដ្ឋបារាំង
និងមន្ត្រីអមដំណើរចំនួន៤រូបទៀតបានមកដល់
និងបំពេញទស្សនកិច្ចនៅព្រះរាជាណាចក្រកម្ពុជារយៈពេល២ថ្ងៃ
ដើម្បីស្វែងយល់ពីការរីកចម្រើនក្នុងប្រទេសកម្ពុជាលើគ្រប់វិស័យ
។ ក្នុងលិខិតជូនទៅលោកហ្វ្រង់ស្វ័រ ហ្វី យ៉ុង
នាយករដ្ឋមន្ត្រីបារាំង បានបញ្ជាក់ថា
សូមលោកនាយករដ្ឋមន្ត្រីជួយពាំនាំយកនូវឯកសារ
និងព័ត៌មានមួយចំនួនដែលជាសេចក្តីត្រូវការចាំបាច់របស់បង
ប្អូនពលរដ្ឋខ្មែរក្រោមផ្ញើជូនរដ្ឋាភិបាល
និងថ្នាក់ដឹកនាំជាន់ខ្ពស់បារាំង
ដើម្បីដោះស្រាយបញ្ហានៃការរំលោភសិទ្ធិមនុស្ស
រំលោភសិទ្ធិជនជាតិដើម
បំបិទសិទ្ធិសេរីភាពគំរាមកំហែងគ្រប់ពេលវេលាដែលជាបញ្ហា
ដ៏អួអាប់បំផុតពីសំណាក់រដ្ឋាភិបាលវៀតណាមមកលើបងប្អូនរួម
ឈាមខ្មែរក្រោមដែលកំពុងរស់នៅក្នុងទឹកដីកូសាំងស៊ីន។
ក្នុងលិខិតរបស់សមាគមខ្មែរក្រោម
បានសំណូមពរទៀតថា
អ្វីដែលសំខាន់របស់ខ្មែរក្រោមនោះគឺធ្វើយ៉ាងណាសុំឱ្យ
ថ្នាក់ដឹកនាំបារាំង
មេត្តាជួយផ្តល់ឯកសារពាក់ព័ន្ធនឹងបញ្ហាបារាំងកាត់ដី
កម្ពុជាក្រោមឱ្យទៅវៀតណាម ៕
ไม่มีความคิดเห็น:
แสดงความคิดเห็น