ថ្ងៃព្រហស្បត្ត៏ ទី១៤ ខែកក្កដា ឆ្នាំ២០១១ ម៉ោង ១៤:០៤
កោះសន្តិភាព
សពស្រ្តីដែលតម្កល់ទុកធ្វើបុណ្យ
ខេត្តស្វាយរៀង ៖
ស្ត្រីម្នាក់ត្រូវគេប្រទះឃើញដេកស្លាប់នៅក្នុងទឹកស្រែជម្រៅត្រឹម
ស្មងជើង កាលពីយប់ថ្ងៃទី១២ កក្កដា ហើយត្រូវបានក្រុមគ្រួសារ
និងអ្នកភូមិសន្និដ្ឋានថា មូលហេតុមកពីខ្យល់គរ។
ស្ត្រីរងគ្រោះឈ្មោះយ៉ោក សុខ អាយុ៤៤ឆ្នាំ
បានស្លាប់នៅក្នុងទឹកស្រែខាងមុខផ្ទះជនរងគ្រោះចម្ងាយ៥០ម៉ែត្រ
ស្ថិតក្នុងភូមិចេក សង្កាត់ចេក ក្រុងស្វាយរៀង
កាលពីវេលាម៉ោង៩យប់។
តាមសំដីរបស់ឈ្មោះម៉ៅ យឿន អាយុ៤៣ ឆ្នាំ
ត្រូវជាប្តីរបស់ស្ត្រីរងគ្រោះបានឱ្យដឹងថា
ប្រពន្ធរបស់គាត់ពីដើមមកពុំដែលមានជំងឺអ្វីទេ
ចំណែកឯការទាស់ទែង ជាមួយអ្នកជិតខាងក៏គ្មានដែរ។
ក្រោយពេលគេប្រទះឃើញស្លាប់នៅក្នុងទឹកស្រះការពិនិត្យនៅលើខ្លួន
ក៏ពុំឃើញមានស្លាកស្នាមរបួស ឬជាំសូម្បីតែបន្តិចណាដែរ
ទើបរូបគាត់ និងអ្នកភូមិជិតខាងសន្និដ្ឋានថា បណ្តាលមកពីខ្យល់គរ
ហើយដួលធ្លាក់ចូលទៅក្នុងទឹកស្រែឈ្លក់ស្លាប់តែម្តង។
ប្រភពដដែលបានបន្តថា រូបគាត់ និងប្រពន្ធមានកូនប្រុស៣នាក់
ដែលពីរនាក់រៀបការបែកចេញទៅរស់នៅស្រុកឆ្ងាយអស់ហើយ
នៅសល់តែកូនប្រុសនៅលីវម្នាក់រស់នៅជាមួយ
ហើយថ្ងៃកើតហេតុនោះកូនប្រុសបានចេញទៅធ្វើការនៅក្រុងបាវិតតាំង
ពីព្រឹក
ឯរូបគាត់ក៏ចេញទៅស៊ីឈ្នួលកាប់ដើមឈើឱ្យគេតាំងពីព្រឹកដែរ
សល់តែប្រពន្ធម្នាក់ឯងនៅផ្ទះប៉ុណ្ណោះ។
បុរសជាប្តីបានបញ្ជាក់ថា
នៅវេលាម៉ោង៦ល្ងាចថ្ងៃកើតហេតុនោះ ពេលរូបគាត់
និងកូនប្រុសត្រឡប់មកដល់ផ្ទះវិញស្រាប់តែបាត់ប្រពន្ធ
មិនឃើញនៅផ្ទះក៏ហៅអ្នកស្រុកជិតខាងឱ្យជួយដើររកផ្អើលពេញ
ភូមិរហូតដល់ម៉ោង៩យប់
ទើបប្រទះឃើញប្រពន្ធដេកស្លាប់ផ្កាប់មុខនៅក្នុងទឹកស្រែខាងមុខ
ផ្ទះ ដែលមានជម្រៅតែត្រឹមស្មងជើងប៉ុណ្ណោះ
ទើបនាំគ្នាលើកសពយកមកផ្ទះធ្វើបុណ្យតាមប្រពៃណីតែម្តង។
លុះព្រឹកឡើងក៏មានសមត្ថកិច្ចប៉ុស្តិ៍រដ្ឋបាលសង្កាត់ចេកមកត្រួត
ពិនិត្យសព
ប៉ុន្តែពុំឃើញមានស្លាកស្នាមណាមួយនៅលើរាងកាយសពនោះទេ
ទើបសមត្ថកិច្ចសន្និដ្ឋានថា
ការស្លាប់របស់ស្ត្រីខាងលើបណ្តាលមកពីខ្យល់គរ៕
ไม่มีความคิดเห็น:
แสดงความคิดเห็น