សុវណ្ណវតី: ឥណ្ឌាៈ គ្រោះថ្នាក់រថភ្លើងគួរឲ្យរន្ធត់!

ដោយ៖ ខ្មែរស្ថាបនា ថ្ងៃច័ន្ទ ទី11 ខែកក្កដា ឆ្នាំ2011 ម៉ោង 15:40

កាលពីយប់មិញ(១០ កក្កដា) គ្រោះថ្នាក់រថភ្លើងដ៏ធ្ងន់ធ្ងរមួយ នៅភាគខាងជើងនៃប្រទេសឥណ្ឌា បានសម្លាប់មនុស្សតិចបំផុត ៥៣នាក់ និង ២០០នាក់ទៀត រងរបួស។ តែប៉ុន្មានម៉ោងក្រោយមក នៅភាគឦសានប្រទេសនេះ រថភ្លើងមួយបានខ្ទាតចេញពីផ្លូវ ដែលគេសង្ស័យថា មានការបន្ទុះគ្រាប់បែកផ្លូវរថភ្លើង ធ្វើឲ្យមនុស្សប្រមាណ ១០០នាក់ រងរបួស។

នាយករដ្ឋមន្រ្តីឥណ្ឌា Singh បានសំដែងការសោកស្តាយយ៉ាងជ្រាលជ្រៅ និងរន្ធត់ចិត្តយ៉ាងខ្លាំង។ ក្រសួងរថភ្លើងប្រកាសនឹងសងជម្ងឺចិត្ត ៥០០.០០០ រូពី (១១.០០០ដុល្លារ) ដល់គ្រួសារដែលមានអ្នកស្លាប់។

គួរកត់សម្គាល់ថា រថភ្លើងល្បឿនលឿននៅឥណ្ឌាច្រើនផ្ទុកមនុស្ស ១០០០នាក់ រត់ក្នុងល្បឿន ១០០គីឡូម៉ែត្រ/១ម៉ោង - ១៣០គីឡូម៉ែត្រ/១ម៉ោង។ ប្រព័ន្ធរថភ្លើងនៅឥណ្ឌា ក៏មានទ្រង់ទ្រាយធំ ក្នុង១ថ្ងៃ ដឹកជញ្ជូនមនុស្សដល់ទៅប្រមាណ ១៤លាន់នាក់៕