ថ្ងៃសៅរ៏ ទី១៦ ខែកក្កដា ឆ្នាំ២០១១ ម៉ោង ០៦:០០
ខេត្តកំពង់ស្ពឺ ៖
ករណីកាប់សម្លាប់ជាច្រើនកាំបិតទៅលើស្ត្រីឈ្មោះកែវ សុគន្ធា
អាយុ២៧ឆ្នាំ មានប្តីឈ្មោះទី សុគន្ធូ អាយុ៣២ឆ្នាំ
ដែលមានទីលំនៅភូមិអង្គសុគន្ធា ឃុំមហាឫស្សី ស្រុកគងពិសី
កាលពីរំលងអធ្រាត្រថ្ងៃទី១១ កក្កដា ត្រូវសមត្ថកិច្ចអះអាងថា
រកឃើញឃាតកពីរនាក់ជាបងប្អូនបង្កើតនឹងគ្នា ម្នាក់ឈ្មោះប៊ូ
ប៊ុនថោង ភេទប្រុសអាយុ២៦ឆ្នាំ និងម្នាក់ទៀតឈ្មោះប៊ូ ប៊ុនថេត
ភេទប្រុស អាយុ២៤ឆ្នាំ រស់នៅភូមិច្បារមន ឃុំកុមាររាជា ស្រុកបាទី
ខេត្តតាកែវ។
តាមព័ត៌មានពីលោកសម សាក់
អនុប្រធានការិយាល័យកម្រិតធ្ងន់នៃការិយាល័យកណ្តាលនគរបាលព្រហ្ម
ទណ្ឌខេត្តបានឱ្យដឹងថា ជនសង្ស័យទាំងពីរនាក់នេះ
មិនព្រមសារភាពពីការសម្លាប់ទេ តែបានទទួលស្គាល់វត្ថុតាង អាវ
ស្បែកជើង និងកាំបិត មួយ ដាវមួយ
ដែលពួកគេគ្រវែងចោលទៅក្នុងស្រះទឹក ក្រោយពេលសម្លាប់រួចនោះ។
ទោះជាបែបណា
សមត្ថកិច្ចបាននាំខ្លួនទៅចង្អុលស្រះទឹកតែរកពុំឃើញវត្ថុតាង
ទេ ដោយជនសង្ស័យឆ្លើយមិនច្បាស់ម្តងថាកប់ក្នុងដី
ម្តងថាលាក់ត្រង់នេះម្តងថាបោះចោលក្នុងស្រះទឹកនោះ។
ចំណែកជន៣នាក់ទៀតដែលបានឃាត់ខ្លួនកាលពីថ្ងៃទី១១ កក្កដា
ត្រូវបានដោះលែងឱ្យមានសេរីភាពវិញហើយ កាលពីថ្ងៃទី១៤ កក្កដា
នៅតែពីរនាក់បងប្អូននេះទេដែលបានសារភាពថា
ស្គាល់វត្ថុតាងជារបស់ខ្លួនទាំងអស់
ប៉ុន្តែការសម្លាប់ជនរងគ្រោះដោយមូលហេតុអ្វីនោះ
ពុំព្រមសារភាពឡើយ។
ឈ្មោះប៊ូ ប៊ុនថោង និងប៊ូ ប៊ុនថេត
ជាអ្នកដៃដល់ទទួលស្គាល់ថា ខ្លួនពាក់ស្បែកជើង និងអាវ
ដែលសមត្ថកិច្ចរកឃើញនៅកន្លែងកើតហេតុ
និងកាំបិតមួួយព្រមទាំងដាវមួយផងដែរ។
ទោះបីជាជនសង្ស័យពុំព្រមសារភាពពីការសម្លាប់ក្តី
ក៏សាមីខ្លួនបានទទួលស្គាល់វត្ថុតាង ដែលបញ្ជាក់ថា
ពួកគេជាឃាតកហើយដែរ។ លោកសម សាក់ បន្តថា
ជនដៃដល់ទាំងពីរជាអ្នកប្រើថ្នាំញៀនផងដែរទើបកាប់សម្លាប់មនុស្ស
ឥតញញើតបែបនេះ ៕
ไม่มีความคิดเห็น:
แสดงความคิดเห็น