គ្រាន់តែបង្ហាញពី គម្រោង និមន្តព្រះសង្ឃសូត្រមន្តដើម្បីរម្លឹក ដល់វិញ្ញាណក្ខន្ធអ្នកស្លាប់ដោយរដ្ឋប្រហារ ដណ្ដើម អំណាចដ៏បង្ហូរឈាមកាលពីថ្ងៃទី៥-៦កក្កដាឆ្នាំ១៩៩៧ បាន ធ្វើឲ្យគណបក្ស ដែលពាក់ព័ន្ធមានហ្វុនស៊ិនប៉ិច,បក្សប្រជាជននិងគណបក្សរោត្ដម រណឫទ្ធិបន្ទរការរិៈគន់ទៅលើគណបក្សសមរង្ស៊ីថា ជាការឆ្លៀតកេងប្រវ័ញ្ចខាងនយោបាយ។ប៉ុន្តែ ពាក្យទាំងនេះ ត្រូវបានច្រានចោល ដោយគណបក្សសមរង្ស៊ី។
លោក គឹម សួគ៌ភារិទ្ធ
អ្នកនាំពាក្ស បក្សប្រឆាំងរូបនេះ បានថ្លែងដូច្នេះថា”គណបក្សសមរង្ស៊ីបានប្រារព្ធពិធីបែបនេះជាយូរ មកហើយ,ដោយឡែក គណបក្សហ្វុនស៊ិនប៉ិច និងគណបក្សនរោត្ដមរណឫទ្ធិទេដែល ពួកគាត់មិនដែលធ្វើ។ចំណែកគោលបំណង របស់ យើងមិនមែនចង់ចំណេញ នយោបាយស្អីទេ”។
ប៉ុន្តែយ៉ាងណាក៏ដោយ គេកត់សម្គាល់ឃើញ ថាយូរៗម្ដង គណបក្ស ដែលបានអះអាងថាជា អ្នករាជានិយម បានប្រារព្ធពិធីនេះនៅវត្ដចំបក់មាស មានទីតាំងតាមបណ្ដោយផ្លូវជាតិលេខ៦A ចម្ងាយជិត២០គីឡូម៉ែត្រពីទីក្រុងភ្នំពេញ។ប៉ុន្ដែពិធីនោះ ត្រូវបានមជ្ឈដ្ឋាន ពួកអ្នកវិភាគខ្លះ មើលឃើញ ថាវាជារឿងចំអក ឲ្យដល់វិញ្ញាណក្ខន្ធអ្នកស្លាប់ដោយ ព្រឹត្តិការណ៍រដ្ឋប្រហារនោះ ទៅវិញ ខណៈដែលគណបក្សទាំងនេះ បានគាំទ្រគណបក្សប្រជាជន កាន់អំណាចដែលគេស្គាល់ថាជាអាយ៉ងយួន។
សម្រាប់លោក គឹម សួគ៌ភារិទ្ធ យុទ្ធជន គណបក្សហ្វុនស៊ិនប៉ិច ដែលបានស្លាប់ ក្នុងព្រឹត្តិការណ៏រដ្ឋប្រ ហារ កាលពី១៤ឆ្នាំមុន ពួកគេគឺជាយុទ្ធ ក នៃលទ្ធិប្រជាធិបតេយ្យ ពួកគេ សុទ្ធតែ ជាមនុស្ស ដែលមានឧត្ដមគតិចង់រំដោះទឹកដីពីយួន។គណបក្សសមរង្ស៊ីមានជំហរ ខុសពីគណបក្ស ទាំងនោះ។ដោយបានលើកឡើងដូច្នេះថា”បើធ្វើបុណ្យហ្នឹង ហើយមិនប្រកាន់ជំហរគិតគូផលប្រយោជន៍ជាតិនិងប្រជាពលរដ្ឋហើយចូលរួម ប្រព្រឹត្តអំពើពុករលួយកាប់ព្រៃឈើ លក់តំណែង ដូចព្រះអង្គម្ចាស់ពីមុនមក ម្ល៉េះគណបក្សសមរង្ស៊ីពុំមានការគាំទ្រដល់ប៉ុណ្ណឹងទេ។អញ្ចឹង ហើយបានជាយើង ចង់បញ្ជាក់ថា យើងធ្វើនេះ គឺដើម្បីរម្លឹកដល់អ្នកដែលបានលះបង់ជីវិត ដើម្បីបុព្វហេតុការពារលទ្ធិប្រជាធិបតេយ្យសេរី នៅកម្ពុជា។ពីព្រោះកាលហ្នឹងគណបក្សហ្វុនស៊ិនប៉ិចហ្នឹងដឹកនាំដោយ ព្រះអង្គម្ចាស់នរោត្ដមរណឫទ្ធិ ជានាយករដ្ឋមន្រ្តីទី១ហើយពេលហ្នឹងកើតចេញពីការបោះឆ្នោត។ដូច្នេះ បើសិនជាមានការវ៉ៃគ្នា ផ្ដួលរំលំនាយករដ្ឋមន្រ្ដីតាមការបង្ហូរឈាម អាហ្នឹងធ្វើឲ្យពិភពលោក មើលឃើញ ថាប្រទេសរបស់យើង ពុំមានលទ្ធិប្រជាធិបតេយ្យសេរី ដែលមានការផ្លាស់ប្ដូរអំណាច តាមការបោះឆ្នោតទេ។អញ្ចឹងបានជាយើង ចេះតែរម្លឹកគុណដល់អ្នកទាំងអស់ហ្នឹង,ជាការធ្វើបុណ្យ ដើម្បីឧទ្ទិសដល់ វិញ្ញាណក្ខន្ធអ្នកស្លាប់ ដើម្បីបុព្វហេតុរបស់ប្រជាពលរដ្ឋយើង”។
គួបញ្ជាក់ថាកាលពី១៤ឆ្នាំមុន គឺនៅថ្ងៃទី៥-៦កក្កដាឆ្នាំ១៩៩៧ ការផ្ទុះអាវុធ ដ៏បង្ហូរឈាមមួយបានកើតឡើងរវាងក្រុមទាហានដែលគាំទ្រហ៊ុន សែន នាយករដ្ឋមន្រ្តីទី២ និង ក្រុមទាហានដែលគាំទ្រ ទ្រង់ រណឫទ្ធិ នាយករដ្ឋមន្រ្តីទី១។រដ្ឋប្រហារដែលគេដឹងថា ផ្ដួចផ្ដើមដោយហ៊ុន សែន នេះបានធ្វើឲ្យទាហានដែលមានស្វាមីភក្ដិចំពោះទ្រង់រណឫទ្ធិរាប់រយ នាក់ស្លាប់។ប៉ុន្តែចំណងមិត្តភាពរវាងហ៊ុន សែននិងរណឫទ្ធិពុំបានធ្វើឲ្យតំណក់ឈាមរបស់ពួកគេ មានតម្លៃសម្រាប់ទ្រង់ឡើយ។
លោក សម រង្ស៊ី មេដឹកនាំគណបក្សសមរង្ស៊ី ធ្លាប់បានថ្លែង ជាសាធារណៈ ថាហ្វុនស៊ិនប៉ិចដែលបានបង្កើតកាលពីទសវត្សទី៨០ ឯជាយដែន បានរលាយអស់ហើយ ។ហើយថា គណបក្សរបស់លោកគឺជាអ្នកដែលបានរក្សាឧត្ដមគតិដើម របស់គណបក្សហ្វុនស៊ិនប៉ិចនោះ។បើតាមលោក គឹម សួគ៌ភារិទ្ធ ថាពិធីបុណ្យ រម្លឹកខួប អ្នកស្លាប់ ដោយអំពើរដ្ឋប្រហារនឹងធ្វើនៅថ្ងៃស្អែក ទី៦កក្កដា ឯទីស្នាក់ការធំរបស់គណបក្សសមរង្ស៊ី ក្នុងសង្កាត់ទន្លេបាសាក់ ក្រុងភ្នំពេញ៕
ไม่มีความคิดเห็น:
แสดงความคิดเห็น