ថ្ងៃអង្គារ ទី១២ ខែកក្កដា ឆ្នាំ២០១១ ម៉ោង ០៩:៥៣
កោះសន្តិភាព
សម្តេចតេជោ និងលោកជំទាវជាអធិបតី
ខេត្តព្រះសីហនុ ៖
វេលាព្រឹកនេះថ្ងៃទី១២ កក្កដា ២០១១
សម្តេចអគ្គមហាសេនាបតីតេជោហ៊ុន សែន
នាយករដ្ឋមន្ត្រីនៃព្រះរាជាណាចក្រកម្ពុជា
អមដោយមន្ត្រីជាន់ខ្ពស់រាជរដ្ឋាភិបាល
បានអញ្ជើញជាអធិបតីក្នុងពិធីសម្ពោធបើកឱ្យប្រើប្រាស់ជាផ្លូវការ
នូវស្ពានបេតុងថ្មីមួយទៀតឆ្លងសមុទ្រទៅកាន់កោះពេជ្រដែលជា
កោះលំហែកាយដ៏ប្រណីតមួយ។
សូមបញ្ជាក់ថា
ស្ពានបេតុងថ្មីឆ្លងសមុទ្រនេះមានប្រវែងជាង៩០០ម៉ែត្រ
កម្ពស់ពីទឹក៣២ម៉ែត្រ
ជាប្រាក់វិនិយោគរបស់ក្រុមហ៊ុនរុស្ស៊ីដ៏ធំមួយសម្រាប់
អភិវឌ្ឍន៍វិស័យទេសចរណ៍។
ស្ពាននេះធ្វើចេញពីឆ្នេរលំហែកាយស្ថិតក្នុងសង្កាត់លេខ៣
ទៅកាន់កោះពស់ តំបន់ទេសចរណ៍ធម្មជាតិ ក្រុងព្រះសីហនុ
ហើយវានឹងទាក់ទាញភ្ញៀវទេសចរជាតិ-អន្តរជាតិឱ្យទៅកម្សាន្ត
ក្នុងខេត្តព្រះសីហនុកាន់តែខ្លាំងឡើង។ ដូច្នេះស្ពាននេះ
និងតំបន់កោះពស់
នឹងស្រូបយកចំណូលសម្រាប់ថវិកាជាតិមួយផ្នែកផងដែរ
ហើយវាខ្ជាក់ចេញមកវិញនូវការកាត់បន្ថយភាពក្រីក្រ
និងផ្តល់ការងារដល់ពលរដ្ឋខ្មែរ ។
គួររំឭកថា ក្នុងឆ្នាំ២០០៩-២០១០-២០១១ នេះ
ស្ពានថ្មបេតុងជាច្រើនត្រូវបានបើកសម្ពោធឱ្យប្រើប្រាស់
និងកំពុងស្ថាបនា ដូចជាស្ពានឆ្លងទន្លេបាសាក់ ក្រុងតាខ្មៅ
ស្ពានអាកាសក្បាលថ្នល់ ស្ពានព្រះមុនីវង្សថ្មី
ស្ពានព្រែកតាមាក់ ស្ពានព្រែកព្នៅ ស្ពានព្រែកក្តាម
ស្ពានស្ទឹងមានជ័យ
ស្ពានអាកាសភ្លើងស្តុបមន្ទីរពេទ្យព្រះកុសុមៈ
ស្ពានជ្រោយចង្វាថ្មី គ្រោងនឹងបើកការដ្ឋាននៅចុងឆ្នាំនេះ
ស្ពានអាកាសស្ទឹងមានជ័យ កំពុងស្ថិតក្នុងគម្រោង
ស្ពានឆ្លងទន្លេបាសាក់២ទៀត គឺ១នៅស្រុកស្អាង
និង១ទៀតនៅស្រុកកោះធំកំពុងស្ថិតក្នុងគម្រោង
ស្ពានឆ្លងទន្លេមេគង្គនៅខេត្តស្ទឹងត្រែងកំពុងស្ថិតក្នុងគម្រោង ។
ไม่มีความคิดเห็น:
แสดงความคิดเห็น