(ប្រុសកោះ)
ថ្ងៃចន្ទ ទី១១ ខែកក្កដា ឆ្នាំ២០១១ ម៉ោង ១៦:១៧
កោះសន្តិភាព
សពក្មេងឃ្វាលគោម្នាក់
ខេត្តកំពង់ចាម ៖
ក្មេងឃ្វាលគោ១ក្រុមមានគ្នាជាង១០នាក់
ខណៈកំពុងលេងបាល់ទាត់នៅទីវាលខាងក្រោយភូមិទន្លេបិទលើ
ឃុំទន្លេបិទ ស្រុកត្បូងឃ្មុំ ក្រោមផ្ទៃមេឃខ្មៅងងឹតរកកល់ភ្លៀង
កាលពីវេលាម៉ោងប្រហែលជា៤និង៣០នាទីរសៀល ថ្ងៃទី១០ កក្កដា
ស្រាប់តែបាតុភូតធម្មជាតិដ៏សាហាវបានកើតឡើង
គឺរន្ទះបាញ់លាន់ឮកក្រើកភូមិ បណ្តាលឱ្យក្មេងឃ្វាលគោម្នាក់ស្លាប់
និងម្នាក់សន្លប់ត្រូវបាននាំមកសង្គ្រោះនៅគ្លីនិកឯកជនមួយនា
ក្រុងកំពង់ចាម។
អ្នកស្រីឡាយ សុខា អាយុ៤៣ឆ្នាំ
ត្រូវជាម្តាយក្មេងប្រុសដែលស្លាប់បានរៀបរាប់ថា
គាត់បានប្រើកូនប្រុសឈ្មោះ វ៉ា សុខដែត អាយុ១៧ឆ្នាំ
ឱ្យទៅកៀងគោ១ហ្វូងជិត១០ក្បាល
ដែលកំពុងស៊ីស្មៅនៅខាងក្រោយផ្ទះប្រហែលជា២០០ម៉ែត្រ។
នៅទីវាលនោះពួកគេក៏បាននាំគ្នាលេងបាល់ជាមួយនឹងក្មេងៗឯទៀត
នៅក្នុងភូមិជាមួយគ្នាដែរ។ លុះមួយសន្ទុះក្រោយមក
ស្រាប់់ែតមេឃខ្មៅងងឹតរកកល់ភ្លៀង
ហើយក៏មានរន្ទះបាញ់លាន់ឮយ៉ាងកក្រើកតែម្តង។
បន្តិចក្រោយមកក្មេងឃ្វាលគោម្នាក់ឈ្មោះខ្មា
រត់មកប្រាប់គាត់ដល់ផ្ទះថា កូនប្រុសរបស់គាត់ឈ្មោះសុខ ដែត
ត្រូវរន្ទះបាញ់ស្លាប់នៅឯកន្លែងឃ្វាលគោ។
គ្រាន់តែឮបែបនេះ
គាត់និងសមាជិកក្រុមគ្រួសារបានតាមទៅមើល
ឃើញកូនដេកនៅលើដីក៏មិនឱ្យនរណាម្នាក់ប៉ះកូនប្រុសគាត់ទេ
ហើយបានយកកំណាត់.ស ទៅគ្របកូនជិត១ម៉ោងតាមជំនឿ
ប៉ុន្តែនៅតែមិនដឹងខ្លួន
ឯរាងកាយកូនចេះតែស្លេកស្លាំងទៅទើបដឹងថាស្លាប់ហើយក៏ប្រញាប់
នាំគ្នាសែងយកមកផ្ទះរៀបចំធ្វើបុណ្យទៅតាមប្រពៃណីខ្មែរ។
ស្ត្រីជាម្តាយនិយាយទៀតថា កូនប្រុសដែលស្លាប់នេះ ត្រូវរន្ទះបាញ់
ត្រូវ១កំណាត់ខ្លួនចាប់ពី ចង្កេះចុះក្រោម
ហើយនៅត្រង់កន្លែងបាញ់មានរណ្តៅដីតូចៗ៥កន្លែងទៀតផង។
ចំណែកក្មេងប្រុសឈ្មោះអួន មួយអ៊ាង អាយុ១៣ឆ្នាំ
ដែលគ្រាន់តែសន្លប់ បានរៀបរាប់ថា
ខ្លួនត្រូវបានម្តាយប្រើឱ្យយកគោ១ហ្វូង មានចំនួន៧ក្បាល
ឱ្យទៅស៊ីស្មៅនៅខាងក្រោយភូមិនារសៀលថ្ងៃទី១០ កក្កដា
នោះហើយដោយមានអ្នកឃ្វាលគោច្រើននាក់ផងនោះ
ក៏បបួលគ្នាលេងបាល់ទាត់លុះបានប្រហែលជា១ម៉ោងស្រាប់តែមេឃខ្មៅ
ងងឹត។ បន្ទាប់មកមានភ្លៀងស្រិចៗ តែមិនបានឈប់លេងទេ
ហើយក៏ស្រាប់តែមានរន្ទះបាញ់មកត្រង់កន្លែងលេងបណ្តាលឱ្យស្លាប់
ម្នាក់
ឯខ្លួនត្រូវរបួសចង្ការយះហូរឈាមហើយបានម្តាយនាំមកសង្គ្រោះនៅគ្លី
និកឯកជនមួយកន្លែងក្នុងក្រុងកំពង់ចាម។
លោកប៉ន ស៊ាងហ៊ី នាយប៉ុស្តិ៍រដ្ឋបាលឃុំ
ទន្លេបិទបានប្រាប់ថា
ចាប់តាំងពីដើមរដូវវស្សារហូតមកដល់ថ្ងៃទី១០ កក្កដា នេះ
ទើបតែមានបាតុភូតរន្ទះបាញ់១ករណីនេះទេ
ប៉ុន្តែបណ្តាលឱ្យស្លាប់ម្នាក់
និងសន្លប់ម្នាក់ក្នុងពេលចេញទៅឃ្វាលគោនៅខាងក្រោយភូមិទន្លេបិទ
លើ៕
ไม่มีความคิดเห็น:
แสดงความคิดเห็น