ប៉ុន្តែបញ្ហានេះ អាចនឹងត្រូវបានដោះស្រាយបានក្នុងពេលឆាប់ៗនេះ តាមរយៈកមក្មវិធីរបស់ធនាគារអភិវឌ្ឍន៍អាស៊ី ដែលផ្តោតជាសំខាន់លើការរឹតបន្តឹងការដឹកជញ្ជូនរបស់រថយន្តដឹក ធ្ងន់ៗ។
កម្មវិធីទប់ស្កាត់ការដឹកជញ្ជូនលើផ្លូវថ្នល់ជាផ្នែកមួយនៃ គម្រោងផ្តល់ជំនួយបច្ចេកទេស ១លានដុល្លាររបស់ ADB ក្នុងគោលបំណងគាំទ្រដល់គម្រោងរបស់រដ្ឋាភិបាលក្នុងការស្តារផ្លូវ ប្រវែងប្រហែល១៥០គីឡូម៉ែត្រ។
គេនឹងឃើញមានស្ថានីយថ្លឹងទម្ងន់៧កន្លែងនៅតាមផ្លូវសំខាន់ៗ ក្នុងប្រទេសកម្ពុជា ដើម្បីកាត់បន្ថយការខូចខាតផ្លូវបណ្តាលពីរថយន្តដឹកជញ្ជូនធ្ងន់ ៗ។ ក្នុងចំណោមស្ថានីយទាំងនោះ មាន ៦ បានដំណើរការហើយ កាលពីថ្ងៃទី១៥ ខែមីនា ឆ្នាំនេះ។
រថយន្តដឹកហួសកម្រិត នៅតែបន្តធ្វើឲ្យប៉ះពាល់ដល់ហេដ្ឋារចនាសម្ព័ន្ធរូបវន្ត និងអ្នកប្រើប្រាស់ផ្លូវថ្នល់ផ្សេងៗទៀត ក៏ដូចជាប៉ះពាល់ដល់សេដ្ឋកិច្ចទាំងមូលផងដែរ។ នេះបើតាមលោក Shihiru Date អ្នកឯកទេសជាន់ខ្ពស់ខាងមធ្យោបាយធ្វើដំណើររបស់ ADB បានប្រាប់ភ្នំពេញ ប៉ុស្តិ៍ ពីម្សិលមិញ។
លោកថ្លែងថា៖ «បញ្ហាដែលបណ្តាលពីការដឹកជញ្ជូនលើសកំណត់ធ្វើឲ្យប៉ះពាល់ដល់ គ្រប់ៗគ្នា ប៉ុន្តែការទប់ស្កាត់ការខូចខាតអាចធ្វើទៅបាន បើយើងមានប្រព័ន្ធល្អ។ នេះជាវិធីសាស្ត្រតែមួយដែលយើងត្រូវធ្វើដើម្បីបញ្ឈប់បញ្ហានេះ»។
លោកអះអាងថា៖ «បច្ចុប្បន្ន ផ្លូវជាតិស្ទើរតែទាំងអស់ ត្រូវបានក្រាលកៅស៊ូ ក្នុង ហើយដំណាក់កាលទីពីរ គឺការផ្តោតលើផ្លូវនៅខេត្ត និងតំបន់ជនបទ ដែលក្នុងនោះផ្លូវនៅខេត្តបានក្រាលកៅស៊ូ២៥ភាគរយ និង ១ភាគរយនៅជនបទ»។
លោកបន្តថា សេដ្ឋកិច្ចនៅតំបន់ជនបទ កំពុងពឹងផ្អែកខ្លាំងលើបណ្តាញផ្លូវថ្នល់។ ប៉ុន្តែចរាចរណ៍កើនឡើងយ៉ាងឆាប់រហ័ស រួមផ្សំនឹងកង្វះហិរញ្ញវត្ថុ និងការថែទាំ នៅតែធ្វើឲ្យផ្លូវទាំងនោះខូចខាតបន្តបន្ទាប់។
បណ្តាញផ្លូវថ្នល់នៅកម្ពុជា ប្រហែល ៣៩ ៦០០គីឡូម៉ែត្រ មាន ២ ១០០គីឡូម៉ែត្រ ជាផ្លូវជាតិ និង ៩ ៥៩៩គីឡូម៉ែត្រ ជាផ្លូវក្នុងខេត្ត និងផ្លូវនៅជនបទ ២ ៨០០គីឡូម៉ែត្រ។
ទោះបីការបង្កើតស្ថានីយថ្លឹងរថយន្ត កំពុងត្រូវបានស្វាគមន៍ដោយមនុស្សជាច្រើនថា ជាជំហានមួយតាមទិសដៅត្រឹមត្រូវ ប៉ុន្តែអ្នកខ្លះជឿថា វានឹងបង្កការលំបាកដល់ការថែរក្សា។
លោក សុខ ឈាង នាយកប្រតិបត្តិសមាគមដឹកទំនិញនៅកម្ពុជាឲ្យដឹងថា៖ «យើងគាំទ្រការបង្កើតស្ថានីយទាំងនោះ ប៉ុន្តែក្តីបារម្ភរបស់យើងគឺថា វានឹងបង្កឲ្យមានការប្រកួតប្រជែងគ្នាដោយលម្អៀងក្នុងអាជីវកម្ម ដែលមិនបានចុះបញ្ជី»។ លោកបន្តថា៖ «មានតែអាជីវកម្មដែលបង្កើតជាក្រុមហ៊ុនប៉ុណ្ណោះ ដែលត្រូវបង់ពន្ធ ហើយបញ្ហានេះគឺមិនស្មើភាពគ្នាដល់ក្រុមហ៊ុនចុះបញ្ជី»៕ CS
ไม่มีความคิดเห็น:
แสดงความคิดเห็น