សុវណ្ណវតី: ខេត្តកណ្តាល ៖ លោកអនុប្រធានភូមិម្នាក់ត្រូវគេព្រួតវាយខ្វេះភ្នែក ខឹងប្រាប់ធនាគារពីប្លង់ដីមិនប្រក្រតី

ថ្ងៃសុក្រ ទី១ ខែកក្កដា ឆ្នាំ២០១១ ម៉ោង ១៦:១៨

បុរសជាប់ចោទត្រូវឃាត់ខ្លួន

លោកអនុប្រធានភូមិដែលត្រូវគេវាយខ្វេះភ្នែក

ខេត្តកណ្តាល ៖ លោកអនុប្រធានភូមិម្នាក់បានរងរបួសយ៉ាងធ្ងន់ធ្ងរ ស្ទើរបែកគ្រាប់ភ្នែកក្លាយទៅជាមនុស្សពិការ ដោយសារមនុស្ស១គ្រួសារដែលរស់នៅក្បែរខាងព្រួតគ្នា វាយខ្វេះភ្នែកយ៉ាងសាហាវព្រៃផ្សៃ ព្រោះតែខឹងនឹងលោកអនុប្រធានភូមិរូបនោះផ្តល់ព័ត៌មានឱ្យភ្នាក់ ងារធនាគារមួយរឿងប្លង់ដីរបស់គ្រួសារមួយនេះមិនប្រក្រតី ហើយបើកុំតែបានអ្នកភូមិជួយទាន់ប្រហែលជាជនរងគ្រោះ ត្រូវស្លាប់ទៀតផង ។

ហេតុការណ៍នេះបានកើតឡើងកាលពីវេលាម៉ោង៦ និង៣០នាទីល្ងាចថ្ងៃទី២៩ មិថុនា ២០១១ នៅក្នុងភូមិងួលខ្លុង ឃុំទួលព្រិច ស្រុកអង្គស្នួល ខេត្តកណ្តាល។ ជនរងគ្រោះឈ្មោះឡុង សាឡន អាយុ៣៦ឆ្នាំ ជាអនុប្រធានភូមិខាងលើរងរបួសភ្នែកទាំងពីរយ៉ាងធ្ងន់ធ្ងរ ព្រមទាំងដាច់រយះលើផ្ទៃមុខ និងខ្លួនប្រាណផងដែរ ។ ចំណែកក្រុមជនដៃដល់១គ្រួសារមានគ្នា៤នាក់ ដែលជាអ្នកនៅផ្ទះជិតគ្នា ហើយក្រោយពេលកើតហេតុ ប៉ូលិសស្រុកអង្គស្នួល និងប៉ូលិសប៉ុស្តិ៍ទួលព្រិច ចេញអន្តរាគមន៍ ឃាត់ខ្លួនបានម្នាក់ឈ្មោះឡាំ ឌឿន ភេទប្រុស អាយុ៥៥ឆ្នាំ មុខរបរកសិករ ចំណែក៣នាក់ទៀតមានប្រពន្ធ និងកូនក្រមុំ២នាក់ពុំត្រូវបានឃាត់ខ្លួនឡើយ ។

តាមប្រភពព័ត៌មានបានឱ្យដឹថា ក្រុមគ្រួសារជនដៃដល់បានជំពាក់លុយធនាគារមួយ ប៉ុន្តែពុំដឹងថា ជំពាក់ប៉ុន្មាននោះទេ ដោយយកប្លង់ដីទៅដាក់បញ្ចាំឱ្យធនាគារនោះ ហើយក្រោយមកអត់លុយបង់ ក៏សម្រេចចិត្តឱ្យខាងធនាគារយកប្លង់ដីរបស់ខ្លួនលក់ឡាយឡុង ។ ខណៈនោះ ខាងធនាគារទំនងមិនទុកចិត្តខ្លាចប្លង់នោះមិនប្រក្រតី ក៏បានចុះស៊ើបសួរដល់អាជ្ញាធរភូមិ ហើយនៅវេលារសៀលថ្ងៃកើតហេតុ ភ្នាក់ងារធនាគារបានទៅជួបលោកឡុង សាឡន ដែលជាអនុប្រធានភូមិដើម្បីចង់ដឹងពីប្រវត្តិប្លង់ដីនោះ ហើយលោកអនុប្រធានភូមិក៏ប្រាប់តាមត្រង់ពីភាពមិនប្រក្រតីនៃប្លង នោះ បន្ទាប់មកខាងម្ចាស់ប្លង់ ក៏មកត្រួតវាយគាត់តែម្តង៕

ទំព័រមុន

ខេត្តកណ្តាល ៖ លោកអនុប្រធានភូមិម្នាក់ត្រូវគេព្រួតវាយខ្វេះភ្នែក ខឹងប្រាប់ធនាគារពីប្លង់ដីមិនប្រក្រតី

ไม่มีความคิดเห็น:

แสดงความคิดเห็น