ថ្ងៃសៅរ៏ ទី១៦ ខែកក្កដា ឆ្នាំ២០១១ ម៉ោង ០៩:១៣
ក្រុងប៉ោយប៉ែត ៖
ប្រតិភូវៀតណាមចំនួន១១ក្រសួងបានធ្វើទស្សនកិច្ចស្តីពី
សក្តានុពលលើទឹកដីខេត្តបន្ទាយមានជ័យ នាថ្ងៃទី១៦ កក្កដា
២០១១នេះ ដើម្បីពិនិត្យមើលថា តើក្នុងខេត្តនេះ
មានការអភិវឌ្ឍលើវិស័យអ្វីខ្លះ
ដែលអាចឈានទៅធ្វើដៃគូពាណិជ្ជកម្មជាមួយគ្នាបាន។
ដំណើរទស្សនកិច្ចសិក្សានេះ
ប្រតិភូវៀតណាមនឹងប្រមើលមើលផងដែរ
អំពីហេដ្ឋារចនាសម្ព័ន្ធព្រមទាំងជួបសំណេះសំណាលជាមួយមន្ត្រី
អ្នកមុខអ្នកការ អាជ្ញាធរខេត្តបន្ទាយមានជ័យ
នៅអគារច្រកទ្វារអន្តរជាតិប៉ោយប៉ែត។
បើតាមការឱ្យដឹងពីលោកអ៊ុង អឿន
អភិបាលខេត្តបន្ទាយមានជ័យ
បានប្រាប់កោះសន្តិភាពតាមទូរស័ព្ទកាលពីរសៀលថ្ងៃទី១៥ កក្កដា ២០១១
ថា
ការមកដល់របស់ប្រតិភូវៀតណាមតំណាង១១ក្រសួងនេះគឺគេចង់
ដឹងពីសក្តានុពលនៃការរីកចម្រើនរបស់ខេត្តបន្ទាយមានជ័យ
និងចរន្តសេដ្ឋកិច្ចយ៉ាងណា? ជាមួយគ្នានេះ
ប្រតិភូនឹងពិនិត្យមើលច្រកទ្វារអន្តរជាតិប៉ោយប៉ែត
និងច្រកតំបន់ផងដែរ ។ លោកបន្តថា
ប្រតិភូវៀតណាមមកនេះនឹងត្រឡប់ទៅវិញនៅល្ងាចថ្ងៃទី១៦ កក្កដា
២០១១ ក្រោយជួបសំណេះសំណាលជាមួយមន្ត្រីអ្នកមុខអ្នកការ៕
ไม่มีความคิดเห็น:
แสดงความคิดเห็น