ថ្ងៃចន្ទ ទី៤ ខែកក្កដា ឆ្នាំ២០១១ ម៉ោង ០៩:២៥
កោះសន្តិភាព
រោងការធ្វើក្នុងបរិវេណសាលាឃុំ
រាជធានីភ្នំពេញ ៖
នៅសាលាឃុំព្រែកត្នោត ស្រុកទឹកឈូ កាលពីព្រឹកថ្ងៃទី២៩ មិថុនា
មានរៀបចំពិធីសែនព្រេនដល់គូស្នេហ៍ដែលពួកគេទាំង២នាក់
បានស្រឡាញ់គ្នាយ៉ាងប្តូរផ្តាច់ តែ
មេបាខាងស្រីមិនយល់ព្រមឱ្យពួកគេយកគ្នាជាប្តីប្រពន្ធឡើយ
ទើបរហូតដល់ជម្រើសចុងក្រោយគឺនាំគ្នារត់។
គេបានដឹង ថា
គូស្នេហ៍ដែលវាយបំបែកទំនៀមនំមិនធំជាងនាឡិនេះ
តួអង្គប្រុសឈ្មោះញើ ញឹត អាយុ១៨ឆ្នាំ រីឯកូនស្រីឈ្មោះប៉ុន
ថារ៉ាត់ អាយុ១៩ឆ្នាំ ពួកគេទាំងពីរនាក់រស់នៅក្នុងភូមិព្រែកត្នោត
ឃុំព្រែកត្នោត ស្រុកទឹកឈូ ។
ពាក់ព័ន្ធនឹងពិធីសែនព្រេនផ្សំផ្គុំគ្នាទៅជាប្តីប្រពន្ធស្រប
ច្បាប់នេះក៏មានលោកមេឃុំចេញច្បាប់ឱ្យរៀបអាពាហ៍ពិពាហ៍ដែរ
និងមានលោកមេបាអាចារ្យចាស់ទុំមកបាចផ្កាស្លាក្រាបក្បាល
ដល់កន្ទេល គឺលន់តួដល់ជីដូនជីតាទាំងសងខាង
ដែលធ្វើមរណកាលទៅកាន់លោកខាងមុខ
អញ្ជើញមកសេពសោយអាហារក្រយាដែលរៀបថ្វាយទៅតាមទំនៀម
ទម្លាប់។ ប៉ុន្តែអ្វីដែលគេមើលឃើញក្នុងពិធីសែនព្រេននេះ
គឺមានតែឪពុកម្តាយខាងប្រុស
ចំណែកម្តាយឪពុកខាងស្រីមិនបានមកចូលរួមឡើយ។
លោកគង់ ប៊ុនណា មេឃុំព្រែកត្នោត
បានឱ្យដឹងថា ដំបូងឡើយយុវជនឈ្មោះញើ ញឹត
និងនាងជាកូនស្រីឈ្មោះប៉ុន ថា រ៉ាត់
នេះបានស្រឡាញ់គ្នាយ៉ាងស្មោះស្ម័គ្រ
តែមេបាខាងស្រីបានជំទាស់ដាច់អហង្ការ
ទើបពួកគេនាំគ្នារត់បាត់ស្រមោល។ ពេលដឹងថា
ពួកគេទាំង២នាក់នាំគ្នារត់
ម្តាយឪពុកខាងប្រុសក៏បានមកប្រាប់អាជ្ញាធរឃុំដែរពីរឿងក្មេងៗ
ស្រឡាញ់ ហើយនាំគ្នារត់នេះ ។
ទាក់ទងនឹងមូលហេតុដែលខាងស្រីជំទាស់ស្នេហាពួកគេនោះត្រូវ
បានលោកមេឃុំលោកគង់ ប៊ុនណា ប្រាប់ថា
ដោយសារនារីរូបនេះនៅសិក្សា ម្យ៉ាងវិញទៀត
ដោយខាងស្រីរើសកូនប្រសា ហើយខាងប្រុសជាអ្នកទីទ័លក្រ
ដូច្នេះហើយម្តាយឪពុកខាងស្រីមិនយល់ស្រប ។
លោកមេឃុំបានគូសបញ្ជាក់ថា បើនិយាយឱ្យឆាប់ចប់នោះគឺ ស្នេហ៍រើសវណ្ណៈ ព្រោះខាងស្រីក៏ជាអ្នកធូរធារមួយដែរ។ លោកមេឃុំបានប្រាប់ឱ្យដឹងទៀតថា បន្ទាប់ពួកគេនាំគ្នារត់ ហើយក៏បានទាក់ទងតាមទូរស័ព្ទហៅពួកគេឱ្យត្រឡប់មកវិញ ហើយអាជ្ញាធរឃុំក៏បានហៅទាំង២នាក់មកសាកសួរ ទើបដឹងថា ពួកគេពិតជាស្រឡាញ់គ្នាដោយគ្មានការបង្ខិតបង្ខំឡើយ។ ដូច្នេះហើយទើបខាងឃុំមានសិទ្ធិចេញច្បាប់ឱ្យ រៀបអាពាហ៍ពិពាហ៍ ហើយក៏បានឱ្យទីធ្លាសាលាឃុំសង់រោងការ ដែលមានភ្ញៀវចូលរួមពិសាភោជនាអាហារមានចំនួន២០០នាក់ ។ ការធ្វើរោងការក្នុងសាលាឃុំនេះដោយខាងអាជ្ញាធរយល់ថា ព្រោះខាងប្រុសខ្លាចធ្វើនៅក្នុងភូមិអាចមានបញ្ហាណាមួយ។
លោកមេឃុំបានគូសបញ្ជាក់ថា បើនិយាយឱ្យឆាប់ចប់នោះគឺ ស្នេហ៍រើសវណ្ណៈ ព្រោះខាងស្រីក៏ជាអ្នកធូរធារមួយដែរ។ លោកមេឃុំបានប្រាប់ឱ្យដឹងទៀតថា បន្ទាប់ពួកគេនាំគ្នារត់ ហើយក៏បានទាក់ទងតាមទូរស័ព្ទហៅពួកគេឱ្យត្រឡប់មកវិញ ហើយអាជ្ញាធរឃុំក៏បានហៅទាំង២នាក់មកសាកសួរ ទើបដឹងថា ពួកគេពិតជាស្រឡាញ់គ្នាដោយគ្មានការបង្ខិតបង្ខំឡើយ។ ដូច្នេះហើយទើបខាងឃុំមានសិទ្ធិចេញច្បាប់ឱ្យ រៀបអាពាហ៍ពិពាហ៍ ហើយក៏បានឱ្យទីធ្លាសាលាឃុំសង់រោងការ ដែលមានភ្ញៀវចូលរួមពិសាភោជនាអាហារមានចំនួន២០០នាក់ ។ ការធ្វើរោងការក្នុងសាលាឃុំនេះដោយខាងអាជ្ញាធរយល់ថា ព្រោះខាងប្រុសខ្លាចធ្វើនៅក្នុងភូមិអាចមានបញ្ហាណាមួយ។
ចំណែកយុវជនញើ ញឹត បាននិយាយថា
រូបគេមិនមានមុខរបរអ្វីក្រៅពីធ្វើកម្មករស៊ីឈ្នួលគេទេ
ហើយរូបគេពិតជាស្រឡាញ់នាងប៉ុន ថារ៉ាត់មែន
ឯមួយរយៈខ្លីដែលពួកគេនាំគ្នារត់គឺទៅស្នាក់នៅផ្ទះបងប្អូននៅ
ស្ទឹងហាវ ខេត្តព្រះសីហនុ ។
រីឯឪពុកម្តាយខាងប្រុសវិញនិយាយថា
គាត់មិនដែលហ៊ានទៅសួរនាំខាងស្រីទេ តែបើសួរនាំក៏ដឹងថា
ខាងស្រីមិនឱ្យដែរ ។ នៅព្រឹកនោះដែរ
បន្ទាប់ពីមានការសែនព្រេនកូនប្រុសស្រីនៅសាលាឃុំហើយ
ពួកគេទាំង២នាក់ក៏នាំគ្នាទៅសំពះថៅកុងនៅផ្ទះខាងស្រី
តែឪពុកខាងស្រីបានគេចចេញពីផ្ទះបាត់តាំងពីព្រលឹម ។
មន្ត្រីប៉ូលិសឃុំព្រែកត្នោតនិយាយថា នាងជាកូនក្រមុំធ្លាប់ត្រូវម្តាយវាយធ្វើបាបជាញឹកញាប់ ព្រោះតែពួកគេបានលួចណាត់ជួបគ្នា។ ជាការពិត ទង្វើរបស់ឪពុកម្តាយខាងស្រីមិនមែនមានន័យថា មិនល្អទេ គឺចង់ឱ្យកូនស្រីមានអនាគត ហើយមេបាណាមួយក៏មានបំណងប្រាថ្នាដូចនេះដែរ តែអ្វីដែលមិនអាចទៅរួចនោះគឺកូនស្រីបានលួចមានស្នេហា ជាមួយបុរសម្នាក់រួចទៅហើយ មានន័យថា វាជ្រុលហួសក្នុងការអូសទាញពួកគេទៅហើយ។ ដូច្នេះការកែលំអឥរិយាបថក្នុងនាមជាមេបាមិនត្រូវរឹងពេក នោះទេ ព្រោះថា បើពេលនេះខាងប្រុសក្រីក្រ តែមិនអាចទាយទុកបានថា អនាគតបែបណានោះទេ ។ តាមផ្លូវច្បាប់ យុវជន យុវនារីមានអាយុ១៨ឆ្នាំឡើងទៅ មានសិទ្ធិយកគូស្រករបានដោយខ្លួនឯងជាអ្នកជ្រើសរើសហើយ អ្នកបង្ខិតបង្ខំទៅវិញទេដែលខុស ។ នេះសំណាងហើយសម្រាប់តួប្រុសដែលមិនអាចប្រឈមមុខនឹងការ ចាប់ខ្លួនដោយសារនារីជាគូស្នេហ៍មានអាយុដែលច្បាប់អនុញ្ញាត ។
មង្គលការក្នុងសាលាឃុំបែបនេះអាចចាត់ទុក
ថា ជាលើកទី១ហើយដែលអាជ្ញាធរបានអនុញ្ញាតដោយសារតែយល់ថា
គូស្នេហ៍នេះពិតជាតាំងចិត្តយកគ្នាជាប្តីប្រពន្ធឱ្យបាន
ស្របច្បាប់ ទោះបីការរៀបចំពិធីត្រឹមសែនព្រេនក៏ដោយចុះ៕
ไม่มีความคิดเห็น:
แสดงความคิดเห็น