(ប្រុសកោះ)
ថ្ងៃសៅរ៏ ទី៩ ខែកក្កដា ឆ្នាំ២០១១ ម៉ោង ១៥:២៥
កោះសន្តិភាព
ប្រជាពលរដ្ឋដែលនាំគ្នាមកតវ៉ា
ខេត្តឧត្តរមានជ័យ ៖
ផ្ទៃដីស្រែរបស់ប្រជាពលរដ្ឋចំនួន៥៧,៥ហិកតាដែលស្ថិតនៅចំណុចអូរ
យាងខាងលិចក្នុងភូមិផ្អុង សង្កាត់កូនក្រៀល ក្រុងសំរោង
ប្រជាពលរដ្ឋចំនួន១៨គ្រួសារបានផ្តិតមេដៃដាក់ពាក្យប្តឹងចំពោះ
លោកអនុសេនីយ៍ឯកបិុច វណ្ណា
បញ្ជាការអង្គភាពប៉ូលិសវរៈលេខ៧០២ការពារព្រំដែនគោកខ្មែរ-សៀម
ដោយចោទប្រកាន់ថា បានដើរបោះបង្គោល
និងដើរបាញ់ថ្នាំកំណត់ព្រំដីរំលោភយកដីស្រែរបស់ពួកគាត់ធ្វើទី
បញ្ជាការប៉ូលិសកាលពីថ្ងៃទី២៨ មីនា កន្លងទៅ ។
ទោះបីជាបែបណាមន្ត្រី ប៉ូលិសដែលបានសាកសួរប្រាប់ថា ជាប់រវល់
ហើយក៏មិនបានបំភ្លឺទេ តែមន្ត្រីសាលាខេត្តថា
ករណីនេះនឹងមានការដោះស្រាយនាពេលខាងមុខនេះ។
ប្រជាពលរដ្ឋឈ្មោះហុង សិរីសុវណ្ណ ភេទប្រុស
អាយុ៥៦ឆ្នាំ ជាតំណាងប្រជាពលរដ្ឋ
ជាអ្នកធ្វើស្រែចំការឱ្យកោះសន្តិភាពដឹងថា
ផ្ទៃដីស្រែចំការរបស់ប្រជាពលរដ្ឋចំនួន៥៧,៥ហិកតា
គឺប្រជាពលរដ្ឋបានកាប់ឆ្ការព្រៃ
និងបានបង្កបង្កើនផលស្រូវជារៀងរាល់ឆ្នាំចាប់តាំងពីឆ្នាំ១៩៩៧
មកម្ល៉េះ។ ដីស្រែនោះបើគិតក្នុង១គ្រួសារ
អ្នកខ្លះមានផ្ទៃដីស្រែចំការ២ទៅ៥ហិកតាប៉ុណ្ណោះ
ស្រាប់តែលោកអនុសេនីយ៍ឯកប៉ិច វណ្ណា
ប៉ូលិសអង្គភាពវរៈលេខ៧០២ការពារព្រំដែនគោកបានឱ្យប៉ូលិសក្រោម
ឱវាទដើរបោះបង្គោល និងបាញ់ថ្នាំហ៊ុមព័ទ្ធធ្វើជាព្រំដី
បន្ទាប់មកបានហាមឃាត់មិនឱ្យប្រជាពលរដ្ឋចូលទៅភ្ជួរដីស្រែ
ចំការនោះទេ ព្រោះដីនេះសំរាប់កសាងទីបញ្ជាការប៉ូលិស
បើប្រជាពលរដ្ឋណានៅតែរឹងទទឹងចូលទៅភ្ជួរដីនោះនឹងត្រូវចាប់
ខ្លួន។
ទាក់ទិនករណីនេះកោះសន្តិភាពទូរស័ព្ទជួបលោក
វរសេនីយ៍ទោ ភិន យាន
ស្នងការរងខេត្តទទួលផ្នែកប៉ូលិសការពារព្រំដែនគោកខ្មែរ-សៀមកាល
ពីថ្ងៃទី៧ កក្កដា លោកបានឆ្លើយខ្លីថា លោកជាប់រវល់
ហើយមិនបានបំភ្លឺយ៉ាងណាមួយឱ្យដឹងទេ ។
លោកវ៉ាត ប៉ារ៉ានីន
នាយកសាលាខេត្តឧត្តរមានជ័យឱ្យកោះសន្តិភាពដឹងថា
ប៉ូលិសវរៈលេខ៧០២ការពារព្រំដែនបានដាក់សំណើដល់អាជ្ញាធរខេត្ត
ដើម្បីសុំផ្ទៃដីចំនួន៧០ហិកតា
សម្រាប់កសាងទីបញ្ជាការនៅក្នុងភូមិផ្អុងពិតមែន
តែអាជ្ញាធរខេត្តបានអនុញ្ញាតតែលើផ្ទៃដីទំហំ២០០គុណ២៥០
ម៉ែត្រប៉ុណ្ណោះ។ ករណីប៉ូលិសបោះបង្គោល
និងបាញ់ថ្នាំហ៊ុមព័ទ្ធទៅលើផ្ទៃដីចំនួន៧០ហិកតាធ្វើឱ្យមានការ
ប៉ះពាល់នោះ គឺលោកបានទទួលពាក្យបណ្តឹងប្រជាពលរដ្ឋហើយ។
រឿងនេះលោកនឹងដោះស្រាយនាពេលខាងមុខឈរលើគោលការណ៍ឈ្នះ-ឈ្នះ ៕
ไม่มีความคิดเห็น:
แสดงความคิดเห็น