ថ្ងៃព្រហស្បត្ត៏ ទី១៤ ខែកក្កដា ឆ្នាំ២០១១ ម៉ោង ១៤:០៣
ខេត្តតាកែវ ៖ នៅព្រឹកថ្ងៃទី១៣ កក្កដា
កន្លងមកនេះ លោកសូរ ឃុន រដ្ឋមន្ត្រីក្រសួងប្រៃសណីយ៍
និងទូរគមនាគមន៍ និងលោកជំទាវ ព្រមទាំងលោក
លោកស្រីជាមន្ត្រីអ្នកមុខអ្នកការក្រោមឱវាទក្រសួងបាននាំយក
ទៀនវស្សា
និងទេយ្យវត្ថុទៅប្រគេនព្រះសង្ឃគង់ចាំព្រះវស្សាអស់កាលត្រី
មាសក្នុងវត្តអារាមចំនួន៤៤វត្ត នៅស្រុកបាទី ខេត្តតាកែវ ។
លោកសូរ ឃុន មានប្រសាសន៍ថា
យើងបានជួបជុំគ្នាប្រារព្ធពិធី ប្រគេនទៀនវស្សានាពេលនេះ
គឺអាស្រ័យដោយប្រទេសជាតិយើងមានសុខសន្តិភាព
ស្ថិរភាពនយោបាយដ៏ពេញលេញ
និងមានការរីកចម្រើនលូតលាស់លើគ្រប់វិស័យក្រោមការដឹកនាំដ៏
ត្រឹមត្រូវ
និងប្រកបដោយគតិបណ្ឌិតរបស់រាជរដ្ឋាភិបាលដែលមានសម្តេចអគ្គមហា
សេនាបតីតេជោ ហ៊ុន សែន ជាប្រមុខ ។
ជាក់ស្តែងលើវិស័យព្រះពុទ្ធសាសនាមកដល់បច្ចុប្បន្ននេះ
យើងមានវត្តអារាមជាង៤ពាន់វត្ត
និងមានព្រះសង្ឃគង់នៅជិត៦ម៉ឺនអង្គ នៅទូទាំងប្រទេស ។
លោករដ្ឋមន្ត្រី និងលោកជំទាវ
ក៏បានប្រគេនទៀនវស្សា
និងទេយ្យវត្ថុវេរប្រគេនព្រះសង្ឃចំនួន៤៤វត្ត
ដោយវត្តមួយទទួលបានទៀនវស្សា១គូ ប្រេងម៉ាស៊ូតចំនួន២០លីត្រ
អង្ករចំនួន៥០គីឡូក្រាម មី៥កេស តែ១គីឡូក្រាម
ស្ករស៥គីឡូក្រាម ទឹកត្រី១ឡូត៍ ទឹកស៊ីអ៊ីវ១ឡូត៍ សាដក១កញ្ចប់
និងបច្ច័យចំនួន១០ម៉ឺនរៀល ។
នៅក្នុងឱកាសនោះដែរ លោកសូរ ឃុន និងលោកជំទាវក៏ បានឧបត្ថម្ភថវិកាចំនួន១លាន២សែនរៀល ជូនគ្រួសារប្រជាពលរដ្ឋរងគ្រោះដោយខ្យល់ព្យុះចំនួន៩គ្រួសារ ឧបត្ថម្ភថវិកាចំនួន៦០ម៉ឺនរៀល ដល់អាស្រមចំនួន៣ និងផ្តល់ថវិកាជូនតាអាចារ្យ តាជីម្នាក់ៗថវិកាចំនួន១ម៉ឺនរៀលផងដែរ ៕
នៅក្នុងឱកាសនោះដែរ លោកសូរ ឃុន និងលោកជំទាវក៏ បានឧបត្ថម្ភថវិកាចំនួន១លាន២សែនរៀល ជូនគ្រួសារប្រជាពលរដ្ឋរងគ្រោះដោយខ្យល់ព្យុះចំនួន៩គ្រួសារ ឧបត្ថម្ភថវិកាចំនួន៦០ម៉ឺនរៀល ដល់អាស្រមចំនួន៣ និងផ្តល់ថវិកាជូនតាអាចារ្យ តាជីម្នាក់ៗថវិកាចំនួន១ម៉ឺនរៀលផងដែរ ៕
ไม่มีความคิดเห็น:
แสดงความคิดเห็น