ដោយ ផន រីណា
2011-07-16
កុមាររកស៊ីលក់ឈាមនៅមុខមន្ទីរពេទ្យក្នុងប្រទេសកម្ពុជា កំពុងមានការកើនឡើងជាលំដាប់។ ករណីនេះកើតឡើងដោយសារមន្ទីរពេទ្យខ្វះខាតឈាមសម្រាប់បញ្ចូលឲ្យអ្នក ជំងឺ។អ្នកសម្របសម្រួលកម្មវិធីមិត្តសំឡាញ់ដែលធ្វើការទាក់ទងនឹងកុមារ នៅតាមចិញ្ចើមផ្លូវបានឲ្យដឹងថា ពេលខ្លះមានកុមារធំៗជាច្រើនកំពុងតែរកស៊ីលក់ឈាមនៅមុខ មន្ទីរពេទ្យ ដែលអ្នកទាំងនោះរួមមានអ្នកជក់ថ្នាំញៀនផងដែរ។ ពួកគេដើរចុះឡើងម្ដុំមន្ទីរពេទ្យនៅ ពេលមានមនុស្សត្រូវការទិញឈាមគេនឹងទិញពីអ្នកទាំងនោះ ហើយកុមារទាំងនោះអាចរកប្រាក់បានពី ៥ ទៅ ១០ដុល្លារក្នុងការផ្ដល់ឈាមម្ដង។
ទីភ្នាក់ងារព័ត៌មាន DPA ចេញផ្សាយនៅថ្ងៃទី១៥ កក្កដា ឆ្នាំ២០១១ រាយការណ៍ថា មន្ទីរពេទ្យនៅកម្ពុជា កំពុងខ្វះខាតឈាមសម្រាប់បញ្ចូលឲ្យអ្នកជំងឺ ហើយគ្រូពេទ្យបានជំរុញឲ្យសាច់ញាតិរបស់អ្នកជំងឺរកឈាមដោយខ្លួនឯង ដើម្បីបញ្ចូលឲ្យអ្នកជំងឺ។ ស្របពេលនេះដែរ ក្រសួងសុខាភិបាលបានឲ្យដឹងថា មជ្ឈមណ្ឌលផ្ទុកឈាមរបស់ក្រសួងមានឈាមតែ ៥០០កញ្ចប់ ដែលបម្រុងទុកសម្រាប់អ្នកជំងឺតែប៉ុណ្ណោះ ហើយបានប្រើប្រាស់អស់ ១០០កញ្ចប់ក្នុងមួយថ្ងៃ៕
ไม่มีความคิดเห็น:
แสดงความคิดเห็น