ថ្ងៃសៅរ៏ ទី១៦ ខែកក្កដា ឆ្នាំ២០១១ ម៉ោង ១០:០០
រាជធានីភ្នំពេញ ៖ ទៀនវស្សា
និងទេយ្យវត្ថុដែលជាអំណោយរបស់លោកកែប ជុតិមា
អភិបាលរាជធានីភ្នំពេញ ត្រូវបានលោកព្រាប មុនី ចៅសង្កាត់ព្រែកលៀប
និងជាតំណាងអភិបាលរាជធានីភ្នំពេញ
នាំយកទៅប្រគេនដល់ព្រះសង្ឃចំនួន៣វត្ត
ក្នុងសង្កាត់ព្រែកលៀបគឺវត្តពោធិព្រឹក្ស ហៅវត្តខ្ទរ វត្តវ៉ារិន
ហៅវត្តព្រែកលៀប និងវត្តបទុមគង្គា ហៅវត្តបាក់ខែង
ដែលគង់ចាំព្រះវស្សាអស់ត្រីមាស។
ពិធីប្រគេនទៀនវស្សា
និងទេយ្យវត្ថុនេះបានប្រារព្ធធ្វើរួមគ្នានៅវត្តពោធិព្រឹក្ស
ហៅវត្តខ្ទរ កាលពីព្រឹកថ្ងៃទី១៥ កក្កដា
ដោយមានការចូលរួមពីព្រះសង្ឃ តាអាចារ្យ តាជី យាយជី
និងពុទ្ធបរិស័ទចំណុះជើងវត្តយ៉ាងច្រើនកុះករ។
ទៀនវស្សា
និងទេយ្យវត្ថុដែលប្រគេនព្រះសង្ឃក្នុងវត្តនីមួយ
ៗទទួលបានទៀនវស្សាចំនួន១គូ មី២កេស ទឹកក្រូច២កេស
ស្ករសចំនួន៥០គីឡូក្រាម ប្រេងចំនួន៣០លីត្រ ទឹកដោះគោ១កេស
ទឹកបរិសុទ្ធ២កេស សាដក១ និងបច្ច័យចំនួន១០ម៉ឺនរៀល ។
លោកព្រាប មុនី ចៅសង្កាត់ព្រែកលៀប
និងជាតំណាងលោកកែប ជុតិមា អភិបាលរាជធានីបានឱ្យដឹងថា ទៀនវស្សា
និងទេយ្យវត្ថុដែលនាំ
យកមកប្រគេនដល់ព្រះសង្ឃដែលគង់ចាំវស្សាក្នុងវត្តចំនួន៣
ក្នុងសង្កាត់ព្រែកលៀប នៅពេលនេះ ជាអំណោយរបស់លោកកែប ជុតិមា ។
ជារៀងរាល់ឆ្នាំ លោកអភិបាលរាជធានីតែងតែនាំទៀនវស្សា
និងទេយ្យវត្ថុមកប្រគេនដល់ព្រះសង្ឃដែលគង់ចាំវស្សាមិនថា
តែនៅវត្តក្នុងសង្កាត់ព្រែកលៀបនោះទេ
គឺវត្តនៅទូទាំងរាជធានីភ្នំពេញ ។
លោកព្រាប មុនី
ក៏បានលើកឡើងពីការរីកចម្រើនក្នុងវិស័យព្រះពុទ្ធសាសនា
ជាពិសេសគឺវត្តពោធិព្រឹក្ស
ក្នុងសង្កាត់ព្រែកលៀបនេះសមិទ្ធផលជាច្រើនត្រូវបានសម្ពោធដាក់
ឱ្យប្រើប្រាស់នៅពេលកន្លងមកថ្មីៗនេះ ។
ក្នុងនាមព្រះចៅអធិការវត្ត ព្រះសង្ឃ
និងពុទ្ធបរិស័ទទាំងអស់ លោកព្រាប មុនី
ក៏បានថ្លែងអំណរគុណយ៉ាងជ្រាលជ្រៅចំពោះលោកកែប ជុតិមា
អភិបាលរាជធានីភ្នំពេញ ព្រមទាំងលោកជំទាវ ដែលតែងតែប្រគេនទៀនវស្សា
និងទេយ្យវត្ថុដល់ព្រះសង្ឃក្នុងទឹកចិត្តជ្រះថ្លាបំផុត
ដើម្បីទុកជាស្រែបុណ្យក្នុងវិស័យព្រះពុទ្ធសាសនា ៕
ไม่มีความคิดเห็น:
แสดงความคิดเห็น