(ប្រុសកោះ)
ថ្ងៃពុធ ទី៦ ខែកក្កដា ឆ្នាំ២០១១ ម៉ោង ១៦:២៥
រាជធានីភ្នំពេញ ៖
បន្ទាប់ពីបានអញ្ជើញទៅចូលរួមក្នុងកិច្ចប្រជុំគណៈកម្មាធិការ
បេតិកភណ្ឌពិភពលោកលើកទី៣៥ នៅក្រុងប៉ារីស
លោកឧបនាយករដ្ឋមន្ត្រីសុខ អាន
បានធ្វើមាតុភូមិនិវត្តន៍ត្រឡប់មកដល់កម្ពុជាវិញ
កាលពីព្រឹកថ្ងៃទី៦ កក្កដា បានមានប្រសាសន៍ប្រាប់អ្នកកាសែតថា
ស្ថានភាពបានប្រែប្រួលទៅហើយលោកមិនចាំបាច់និយាយច្រើនតទៅទៀត
ទេ។ លោកគ្រាន់តែឱ្យដឹងត្រួសៗថា កិច្ចប្រជុំនោះកម្ពុជា
ទទួលបានលទ្ធផលល្អណាស់
អ្វីដែលគូបក្សដិបក្សរបស់កម្ពុជាចង់បាននោះ
គឺគេអត់បានសម្រេចទេ ហើយអ្វីដែលកម្ពុជាចង់បាន
គឺកម្ពុជាទទួលបានហើយដោយសារតែគណៈកម្មា
ធិការបេតិកភណ្ឌពិភពលោកបានដឹងការពិតអស់ទៅហើយ ។
គណៈកម្មាធិការបេតិកភណ្ឌពិភពលោកបានយកចិត្ត
ទុកដាក់ក្នុងការបញ្ជូនអ្នកជំនាញការមកកាន់ព្រះរាជាណាចក្រកម្ពុជា
ដើម្បីអភិរក្សប្រាសាទព្រះវិហារ
ហើយពេលវេលាដែលអ្នកជំនាញការទាំងនោះត្រូវអញ្ជើញមកកាន់
កម្ពុជា គឺស្ថិតនៅលើការពិភាក្សាគ្នានៅពេលខាងមុខទៀត
ពីព្រោះនៅក្នុងខែវិច្ឆិកាខាងមុខនេះ
គណៈកម្មាធិការបេតិកភណ្ឌពិភពលោកនឹងប្រជុំម្តងទៀតដើម្បី
និយាយអំពីការអភិរក្ស តែការប្រជុំនោះពុំមានកម្ពុជាចូលរួមទេ
ជាការប្រជុំមួយដែលគេតែងតែធ្វើឡើងក្នុងមួយឆ្នាំ៣ដង ៕
ไม่มีความคิดเห็น:
แสดงความคิดเห็น