ថ្ងៃអង្គារ ទី១២ ខែកក្កដា ឆ្នាំ២០១១ ម៉ោង ០៤:០០
កោះសន្តិភាព
ទិដ្ឋភាពក្នុងពិធីប្រគេនទៀនព្រះវស្សាដល់ព្រះសង្ឃ
ខេត្តកណ្តាល ៖ កាលពីថ្ងៃទី៩ កក្កដា
ឆ្នាំ២០១១ នៅវត្តកន្ទួត ក្រុមការងារចុះជួយឃុំកោងកាងដឹកនាំដោយលោកសួង
ម៉េងឡុង ប្រធានក្រុមការងារ និង អស់លោកដែលជាក្រុមការងារតំណាងឱ្យលោកវង
សូត រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ
និងជាប្រធានក្រុមការងារចុះជួយស្រុកពញាក្រែក
បានចុះចំណេះសំណាលសួរសុខទុក្ខសមាជិកឃុំកោងកាង
ហើយបានធ្វើការផ្តាំផ្ញើសាកសួរសុខទុក្ខ
និងក្តីនឹករលឹកពីសំណាក់សម្តេចទាំងបី គឺសម្តចអគ្គមហាពញាចក្រីហេង
សំរិន សម្តេចអគ្គមហាធម្មពោធិសាលជា ស៊ីម
និងសម្តេចអគ្គមហាសេនាបតីតេជោហ៊ុន សែន។
នៅក្នុងឱកាសនោះក្រុមការងារបាននាំយកទៀនវស្សា
និងគ្រឿងបរិក្ខារមួយចំនួនប្រគេនព្រះសង្ឃចំនួន៣វត្ត
ក្នុងមួយវត្តទទួលបានទៀនវស្សាចំនួនមួយគូ សាដកចំនួន១ មី
ទឹកក្រូចទឹកបរិសុទ្ធ និងថវិកាចំនួន១០០.០០០រៀល
ហើយបានជូនដល់តាជីយាយជីចំនួន២០នាក់
ក្នុងម្នាក់ទទួលបានថវិកាចំនួន១០.០០០រៀល។
តំណាងគណបក្សស្រុកម្នាក់ចំនួន៥០.០០០រៀល
តំណាងបក្សឃុំម្នាក់ចំនួន៥០.០០០រៀល និងសមាជិកឃុំ៤នាក់
ក្នុងម្នាក់ទទួលបាន២០.០០០រៀល
សរុបថវិកាក្នុងពិធីនោះអស់៣.០៨០.០០០រៀល។
ក្នុងពិធីសំណេះសំណាលនោះ លោកសួង ម៉េងឡុង
បានលើកឡើងអំពីភាពរីកចម្រើនរបស់ប្រទេសជាតិដែលកសាងឡើង
តាំងពីបាតដៃទទេ រហូតមកទល់នឹងបច្ចុប្បន្នប្រទេសកម្ពុជា
មានផ្លូវមានស្ពាន មានប្រឡាយខ្វាត់ខ្វែង
ប្រជាពលរដ្ឋមានជីវភាពធូរធារ មានសន្តិភាព
និងមានកេរ្តិ៍ឈ្មោះនៅលើឆាកអន្តរជាតិ
គឺដោយសារស្នាដៃរបស់សម្តេចទាំង៣
គឺសម្តេចអគ្គមហាធម្មពោធិសាលជា ស៊ីម
ប្រធានគណបក្សប្រជាជនកម្ពុជា និងជាប្រធានព្រឹទ្ធសភា
សម្តេចអគ្គមហាពញាចក្រីហេង សំរិន ប្រធានរដ្ឋសភា
និងសម្តេចអគ្គមហាសេនាបតីតេជោហ៊ុន សែន
នាយករដ្ឋមន្ត្រីនៃព្រះរាជាណាចក្រកម្ពុជា ៕
ไม่มีความคิดเห็น:
แสดงความคิดเห็น