(ប្រុសកោះ)
ថ្ងៃពុធ ទី៦ ខែកក្កដា ឆ្នាំ២០១១ ម៉ោង ១៧:១៤
ខេត្តកណ្តាល ៖
សម្តេចអគ្គមហាសេនាបតីតេជោហ៊ុន សែន
នាយករដ្ឋមន្ត្រីនៃព្រះរាជាណាចក្រកម្ពុជា
បានរិះគន់បក្សប្រឆាំងដែលបានប្រើពាក្យសំដីដាក់
ផ្លែផ្កាថា សុំឱ្យលោកហ៊ុន សែន ធ្វើតាមរដ្ឋាភិបាលថៃ...។
សម្តេចបានព្រលយថា ខ្ញុំធ្វើតាមហើយ តែចាំថ្ងៃទី២៨ កក្កដា
ឆ្នាំ២០១៣ សម្រេចចិត្តនៅពេលនោះទៅ។
សម្តេចតេជោនាយករដ្ឋមន្ត្រីហ៊ុន សែន
បានរិះគន់បែបនេះ នាព្រឹកថ្ងៃទី៦ កក្កដា ឆ្នាំ២០១១
ក្នុងឱកាសដែលសម្តេច និងលោកជំទាវកិត្តិព្រឹទ្ធបណ្ឌិត
អញ្ជើញជាអធិបតីដ៏ខ្ពង់ខ្ពស់ក្នុងពិធីបើកការដ្ឋានសាងសង់
ស្ពានតាខ្មៅ ឆ្លងកាត់ទន្លេបាសាក់នៅព្រែកសំរោង សង្កាត់តាខ្មៅ
ក្រុងតាខ្មៅ
ក្រោមកម្ចីសម្បទានរបស់សាធារណរដ្ឋប្រជាមានិតចិន
និងថវិកាបដិភាគរបស់រាជរដ្ឋាភិបាលកម្ពុជា
ដើម្បីតភ្ជាប់ជាមួយប្រទេសជិតខាង ក្នុងតំបន់
និងក្នុងពិភពលោក។
សម្តេចតេជោនាយករដ្ឋមន្ត្រីមានប្រសាសន៍បន្ត
ថា បើសិនជាខ្ញុំចាញ់ គឺខ្ញុំនឹងប្រកាសនូវលទ្ធផលបោះឆ្នោត
ហើយជំរុញឱ្យប្រជុំសភាបានឆាប់ បង្កើតរាជរដ្ឋាភិបាលបានឆាប់។
ខ្ញុំនឹងផ្ទេរតំណែង
និងឱ្យរដ្ឋមន្ត្រីទាំងអស់ត្រៀមផ្ទេរតំណែងតាមក្រសួង
ចុះហត្ថលេខាទ្រព្យសម្បត្តិមានអ្វីខ្លះ លុយសល់ប៉ុន្មាន
បុគ្គលិកមានអ្វីខ្លះ សូមកុំបារម្ភ ។ ក្រែងលោ
អត់មានសន្លឹកឆ្នោត ដើរចោទគេចោទឯងទៅវិញ ។
ឥឡូវកាន់តែធ្លាក់ចុះហើយ ។
បញ្ហាផ្ទៃក្នុងរបស់បក្សប្រឆាំងធ្ងន់ធ្ងរមែនទែនហើយ
បើមានបញ្ហាអ្វីសុំនិយាយគ្នាដោយស្រួល កុំកាប់ចាក់គ្នា
ហើយទម្លាក់កំហុសឱ្យគណបក្សកាន់អំណាច
ព្រោះធ្ងន់មែនទែនហើយ មានអ្នកដើរចេញពីអង្គប្រជុំហើយ ។
ព្រោះមានដាក់លក្ខខណ្ឌ...ដូច្នេះបើមានកិច្ចការអ្វី
និយាយគ្នាទៅ កុំកាប់ចាក់គ្នា ។ កាប់ចាក់គ្នា សងសឹកគ្នា
បែរជាទម្លាក់កំហុសឱ្យរាជរដ្ឋាភិបាល។
មួយចំនួនផ្តាច់ខ្លួនពីបក្សមួយទៅបក្សមួយ។
មួយទៀតគឺធ្ងន់មែនទែនហើយមានញត្តិផង ដាក់លក្ខខណ្ឌ
ក្បត់បក្ស ដកចេញ បើមិនដក គឺមានដើរចេញពីអង្គប្រជុំ...។
ឥឡូវមិនទាន់រកការស្រុះស្រួលគ្នាទេ។
សម្តេចតេជោនាយករដ្ឋមន្ត្រីមានប្រសាសន៍ថា សូមកុំលេងផ្លូវងងឹត
សូមដោះស្រាយផ្លូវភ្លឺទៅ
ប្រយ័ត្នក្រែងលោមានរឿងគេថានយោបាយធ្ងន់ធ្ងរមែនទែន។
សុំផ្តាំ...ចំណែកបក្សមួយទៀតលាក់រហូតមានកូនអាយុ៧ឆ្នាំ
កុំស្មានថា គេមិនដឹងនោះ
គ្រាន់តែគេមិននិយាយតែប៉ុណ្ណឹងទេ កូនចេះនិយាយហើយ...។
នេះលាក់យូរពេក ពូកែប៉ិនថាឱ្យគេ
ដល់គេថាឱ្យវិញ...នៅឱ្យស្ងៀម មាន់ណាខ្តត មាន់នោះពងណា៎
និយាយនេះគ្មានអ្នកណាដឹងទេ នីតាជាអ្នកណា...?
ម្តាយនីតាជានរណា? ឪពុកនីតាជាអ្នកណា?
គ្រាន់តែប្រាប់ប៉ុណ្ណឹងទេ កុំមោទនភាពជ្រុល ។ រូបថតសូមប្រយ័ត្ន
នីតាដើរកាន់រូបថតនោះទៅ គេឃើញហើយ ប៉ុន្តែទុកមួយកន្លែង
គេមិនធ្វើអ្វីទេ កុំឱ្យតែប្រពន្ធវាយទៅបានហើយ។
លាក់បាន៧ឆ្នាំមិនធម្មតាទេ...។
សម្តេចមានប្រសាសន៍ថា ចុះបើដូច្នេះ
ដល់ពេលមានរឿងទម្លាក់មកតែរាជរដ្ឋាភិបាលទំនាស់ផ្ទៃក្នុង
ជ្រាលជ្រៅ រត់ចេញពីបក្សមួយទៅបក្សមួយ
នៅក្នុងបក្សក៏ទាស់គ្នា ។ ដល់មានរឿងកាប់ចាក់គ្នា គេថា
នគរបាលគ្រប់គ្រងសភាពការណ៍មិនបាន ឃាតកម្មនយោបាយ។
ថ្ងៃនេះមានបក្សមួយគេធ្វើខួបរដ្ឋប្រហារ
ផង។ សូម្បីលោកញឹក ប៊ុនឆៃ មិនជឿផង ថ្ងៃនេះគឺថ្ងៃវាយគ្នា ។
រថក្រោះចេញទៅ៣ឆេះអស់ពីរទៅហើយ។ ពេលនោះបើលោកញឹក ប៊ុនឆៃ
វាយទៀតយកសាកលវិទ្យាល័យបាន...ចប់។
ខាងហ្វ៊ុនស៊ិនប៉ិចគេអត់ធ្វើខួបទេ
តែបក្សប្រឆាំងមួយគេធ្វើខួបរដ្ឋប្រហារ
អ្នកណាធ្វើឱ្យអ្នកណានិយាយឱ្យច្បាស់៕
ไม่มีความคิดเห็น:
แสดงความคิดเห็น