ថ្ងៃអង្គារ ទី១២ ខែកក្កដា ឆ្នាំ២០១១ ម៉ោង ០៩:១១
ឈុនបូរី ថៃ ៖
មន្ត្រីកុងស៊ុលកម្ពុជាប្រចាំខេត្តស្រះកែវបានឱ្យដឹងថា
មានការផ្ទុះឡើងនូវជម្លោះរវាងកម្មករខ្មែរ-សៀមនៅមណ្ឌលសត្តឃាត
មាន់ដ៏ធំមួយកន្លែងនៅក្នុងខេត្តឈុនបូរីប្រទេសសៀម
កាលពីយប់ថ្ងៃទី១០ កក្កដា។
មន្ត្រីដែលសុំមិនបញ្ចេញឈ្មោះបានឱ្យដឹងថា
ចលាចលនោះបានកើតឡើងពីជម្លោះតូចតាចទេ
តែវាបានរាលដាលកាន់តែធំ។
តាមពិតទៅពលករខ្មែរធ្វើការនៅមណ្ឌលសត្តឃាតមាន់នោះ
មិនមានកំហុសទេ តែបានទទួលការមាក់ងាយ
ហើយបានព្យាយាមឱ្យខាងកម្មករសៀម សុំទោសក្រោយពេលផឹកស៊ីរួមគ្នា
ហើយរឿងនេះក៏រាលដាលជាចលាចលវេលាកណ្តាលអធ្រាត្រ។
មន្ត្រីកុងស៊ុលដដែលបានមានប្រសាសន៍ថា
លោកមិនដឹងលំអិតពីមូលហេតុទេ តែលោកបានដឹងថា
ខាងស្ថានទូតកម្ពុជានៅទីក្រុងបាងកកបានចាត់អ្នកតំណាងឱ្យទៅពិនិត្យ
ស្ថានការណ៍នោះហើយ។
យោងតាមកាសែតថៃថៃរ៉ាត់ចេញផ្សាយកាលពីថ្ងៃទី
១១ កក្កដា
បានរាយការណ៍ដោយបានចោទប្រកាន់លើពលករកម្ពុជាជាង៧០០នាក់ថា
បានបង្កចលាចលនៅក្នុងមណ្ឌលសត្តឃាតមាន់របស់ក្រុមហ៊ុន «ជីអេហ្វ
ធីភីនីស៊ីរ៉េ» នៅក្នុងស្រុកណងយ៉ៃ ខេត្តឈុនបុរី
ដោយហេតុការណ៍បានកើតឡើងនៅល្ងាចថ្ងៃទី១០ កក្កដា ។ ទោះបីជាបែបណា
ការផ្សាយបែបនោះមានភាពលំអៀងដែលមិនអាចទទួលយកបានឡើយ។
តាមរបាយការណ៍ពីកាសែតថៃនេះបានឱ្យដឹងថា ពលករជនជាតិកម្ពុជា
និងពលករថៃមួយចំនួនបានទាស់ទែង និងមានការវាយ
តប់គ្នារហូតមានរងរបួសស្នាម។
នៅក្នុងហេតុការណ៍ចលាចលនេះ
បើតាមរបាយការណ៍ព័ត៌មានដដែលថា
សមត្ថកិច្ចប៉ូលិសថៃបានចូលទៅទប់ស្កាត់
ខណៈមានការឈ្លោះប្រកែកគ្នាកណ្តាលយប់
ហើយរថយន្តប៉ូលិសចំនួន៤គ្រឿង ក៏ត្រូវបានបំផ្លាញ ។
របាយការណ៍ព័ត៌មានដដែលថា
ចលាចលនេះបានកើតឡើងនៅវេលាល្ងាចម្តងហើយ
លុះមកដល់ម៉ោង២រំលងអធ្រាត្រថ្ងៃទី១១ កក្កដា
ក៏មានផ្ទុះអំពើហិង្សាជាថ្មីម្តងទៀត។
កាសែតថៃបានសរសេរថា
សមត្ថកិច្ចប៉ូលិសប្រើវិធីសាស្ត្របញ្ចុះបញ្ចូលឱ្យអ្នកដែលមិន
ពាក់ព័ន្ធហេតុការណ៍ដកខ្លួនចេញពីស្ថានភាពដែល
កំពុងតានតឹងបែបនេះ
និងបានធ្វើឱ្យក្រុមពលករបន្តដកថយនៅសល់តែអ្នកទាក់ទិន
ក្នុងជម្លោះ២០នាក់
ទើបប៉ូលិសបានចាប់ខ្លួនជនជាប់ចោទសម្រាប់ដំណើរការរឿងក្តី
តែទោះបីជាបែបណា
កាសែតថៃនោះបានផ្សាយចោទតែខាងពលករកម្ពុជាប៉ុណ្ណោះ
ដែលផ្ទុយពីការពិត ហើយសង្ឃឹមថា តំណាងស្ថានទូតកម្ពុជា
នឹងជួយពលករកម្ពុជាតាមផ្លូវច្បាប់មិនខាន។
ចំណែករថយន្តរបស់ប៉ូលិសដែលខូចខាតតាមព័ត៌មានថា ខាងក្រុមហ៊ុនយល់ព្រមចេញសងលើថ្លៃខូចខាតទាំងស្រុង ៕
ไม่มีความคิดเห็น:
แสดงความคิดเห็น