ថ្ងៃពុធ ទី២៩ ខែមិថុនា ឆ្នាំ២០១១ ម៉ោង ១៦:៣០
ក្បួនត្រូវបានដង្ហែតាមដងផ្លូវក្នុងតំបន់
ដោយសមាជិកនៃអង្គពិធីបានកាន់បដាពាក្យស្លោកព្រោងព្រាត
និងមានការចាក់ផ្សាយតាមមីក្រូ
នូវខ្លឹមសារនៃពាក្យស្លោកទាំងនោះផងដែរ ។ ក្នុងពេលជួបជុំ
ក្រោយពេលដង្ហែក្បួន លោកសៅ ប្រសិដ្ឋ អភិបាលនៃគណៈអភិបាលស្រុក
បានអានខ្លឹមសារដើមទាំងស្រុងនៃសារលិខិតរបស់សម្តេចអគ្គមហា
សេនាបតីតេជោហ៊ុន សែន
នាយករដ្ឋមន្ត្រីនៃព្រះរាជាណាចក្រកម្ពុជាជូនដល់អង្គពិធី
ទាំងមូលស្តាប់ ។
នៅក្នុងសុន្ទរកថា បានបញ្ជាក់ថា
ការប្រារព្ធទិវាអន្តរជាតិប្រយុទ្ធប្រឆាំងគ្រឿងញៀនឆ្នាំនេះ
ក្រោមប្រធានបទ «សកម្មភាពជាសាកល
ដើម្បីសុខភាពនិងសហគមន៍គ្មានគ្រឿងញៀន »
និងបង្ហាញពីគោលបំណងដើម្បីក្រើនរំលឹក
និងផ្សព្វផ្សាយដល់មនុស្សជាតិទាំងអស់ នៅលើពិភពលោក
ជាពិសេសយុវវ័យត្រូវយល់ដឹងពីគ្រោះថ្នាក់
និងផលប៉ះពាល់យ៉ាងធ្ងន់ធ្ងរដែលបង្កឡើងដោយគ្រឿងញៀន
ព្រមទាំងសម្តែងនូវឆន្ទៈ
និងបំផុសនូវចលនាចូលរួមប្រយុទ្ធប្រឆាំងនឹងការផលិត ការចរាចរ
និងការប្រើបំពានគ្រឿងញៀនដោយខុសច្បាប់ ។ ក្នុងពិធីនាឆ្នាំនេះ
តាមការពិនិត្យឃើញថា មានការចាប់អារម្មណ៍ច្រើន ពិសេសយុវវ័យ
ចំពោះផលប៉ះពាល់ ដែលធ្វើឱ្យបាត់បង់ទាំងស្មារតី ចំណេះដឹង
ការសិក្សា ញាតិមិត្ត សុខភាព និងអនាគតរបស់ខ្លួន
ដើម្បីក្លាយខ្លួនជាអ្នកបន្តវេន ក្នុងការដឹកនាំប្រទេសជាតិ
ជាពលរដ្ឋល្អ ដើម្បីចូលរួមអភិវឌ្ឍន៍ប្រទេសជាតិ។ លោកសៅ ប្រសិដ្ឋ
បានស្នើឱ្យប្អូនៗយុវវ័យទាំងអស់ត្រូវដើរចេញឱ្យឆ្ងាយ
ពីគ្រឿងញៀន ។
សូមបញ្ជាក់ផងដែរថា
បន្ទាប់ពីរាជរដ្ឋាភិបាលបានដាក់ចេញនូវផែនការចាត់តាំង
អនុវត្តគោលនយោបាយភូមិ-ឃុំមានសុវត្ថិភាពរួចមក ស្រុកពាមរក៍
មានការថយចុះច្រើនគួរកត់សម្គាល់ លើបញ្ហាគ្រឿងញៀននេះ ៕
ไม่มีความคิดเห็น:
แสดงความคิดเห็น