មេដឹកនាំប្រជាធិបតេយ្យរបស់ប្រទេសភូមាលោកស្រីអ៊ូងសាន ស៊ូជីត្រូវ បានតុលាការកាត់ទោសបន្ថែម១៨ខែទៀតឱ្យជាប់ការឃុំខ្លួននៅក្នុងផ្ទះ។ លោកស្រីស៊ូជី ជ័យលាភីពានរង្វាន់ណូបែលសន្តិភាពត្រូវបានតុលាការយោធាភូមាកាត់ទោសពីបទរំលោភលើច្បាប់សន្តិសុខដោយអនុញ្ញាតិឱ្យជនជាតិអាមេរិកហែលឆ្លងទឹកបឹងទៅលេងផ្ទះរបស់លោកស្រី។ លោកស្រីត្រូវបានតុលាការកាត់ទោសឱ្យជាប់គុក៣ឆ្នាំដោយធ្វើពលកម្មធ្ងន់ៗថែមទៀត ប៉ុន្តែទោសនោះបានបន្ថយមកឃុំខ្លួនក្នុងផ្ទះរយៈ ពេល១៨ខែវិញ។ លោកស្រីស៊ូជីដែលត្រូវបានរបបយោធាឃុំខ្លួនអស់រយៈ ពេល១៤ឆ្នាំនៃរយៈពេល២០ឆ្នាំក្នុងពន្ធនាគារបានច្រានចោលបទចោទ ប្រកាន់នោះ។
លោកចន យេតតាវ ជនជាតិអាមេរិកដែលបានហែលទឹកទៅផ្ទះលោកស្រីស៊ូជី នោះក៏ត្រូវតុលាការភូមាកាត់ទោសឱ្យជាប់គុក៧ឆ្នាំក្នុងនោះ៤ឆ្នាំធ្វើពលកម្មធ្ងន់។ បុរសអាមេរិករូបនោះកំពុងមានជំងឺដេកនៅមន្ទីរពេទ្យប៉ុន្តែពេលកាត់ទោសកាលពីថ្ងៃអង្គារតម្រូវឱ្យមានមុខ។
ពួកមន្ត្រីនិយាយថា ការដោះលែង
ចេញពីមន្ទីរពេទ្យកាលពីល្ងាចថ្ងៃច័ន្ទនូវបុរសជនជាតិអាមេរិកដែល
បានបង្កឱ្យមានការកាត់ក្ដីដោយសារការហែលទឹកទៅកាន់ផ្ទះរបស់អ្នកទទួល
ជ័យលាភីរង្វាន់ណូបែលសន្តិភាពនោះមានន័យថា ការវិនិច្ឆ័យនោះឥឡូវនេះអាចបន្តតទៅទៀតដូចដែលបានគ្រោងធ្វើ នៅក្នុងគុកដ៏ល្បីរបស់ទីក្រុងយ៉ាងហ្គួន។
ពួកអ្នកការទូតហើយនិងពួកអាជ្ញាធររមីយ៉ាន់ម៉ាបានព្រមានថា ការ ព្យាបាលជំងឺរបស់ជនជាតិអាមេរិកលោកចន យេតតាវ នូវជំងឺប្រកាច់ឆ្កួតជ្រូកជាបន្តបន្ទាប់នោះអាចបង្កឱ្យមានការពន្យាររពេលជាបន្តបន្ទាប់នៅក្នុងការកាត់ក្ដីជិត ៣ខែនោះ។
សន្តិសុខ
មានសភាពតានតឹងនៅជុំវិញគុកកាលពីល្ងាចថ្ងៃច័ន្ទប៉ុន្តែស្ថានការណ៍
នៃសវនាការកាលពីថ្ងៃអង្គារនៅតែមិនទាន់ច្បាស់នៅឡើយនៅពេលយប់ទោះបីជាមានការបញ្ជាក់អះអាងដោយប្រភពព័ត៌មានផ្លូវការមួយថា លោកយេតតាវ ត្រូវបានគេដោះលែងចេញពីមន្ទីរពេទ្យក្រោយពីទទួលការព្យាបាលបាន១សប្ដាហ៍មក។
តុលាការត្រូវបានគេរំពឹងជាទូទៅថា បានសម្រេចចិត្តចេញសាលក្រមពិរុទ្ធមួយប៉ុន្តែការកាត់ទោសនៅតែជារឿងប៉ាន់ស្មាននៅឡើយដោយមានពួកអ្នកការទូតជាច្រើននាក់នៅក្នុងទីក្រុងយ៉ាងហ្គួនទាយថាលោកស្រីនឹងត្រូវគេដាក់គុកឬឃុំខ្លួននៅក្នុងផ្ទះរហូតទៅដល់៣ឆ្នាំ។ លោកស្រីបានជាប់ឃុំរួចជាស្រេចទៅហើយអស់រយៈពេល១៤ឆ្នាំនៃរយៈពេល២០ឆ្នាំចុងក្រោយចាប់តាំងពីក្រុមប្រឹក្សាយោធាដែលកំពុងគ្រប់គ្រង
អំណាចរបស់ប្រទេសមីយ៉ាន់ម៉ាបដិសេធមិនទទួលស្គាល់ជ័យជំនះ
ភ្លូកទឹកភ្លូកដីនៅក្នុងការបោះឆ្នោតក្នុងឆ្នាំ១៩៩០របស់សម្ពន្ធភាពជាតិ
ដើម្បីលទ្ធិប្រជាធិបតេយ្យរបស់លោកស្រី។
ករណីនេះកំពុងបង្ហាញឱ្យឃើញថាជាការឈឺក្បាលដ៏ខ្លាំងមួយសំរាប់ពួកឧត្ដមសេនីយ៍មានអំណាចរបស់ប្រទេសមីយ៉ាន់ម៉ាដែលបាន ទទួលរវាងការគាបសង្កត់អន្តរជាតិដែលកំពុងកើនឡើងឱ្យមានការដោះលែងលោកស្រីស៊ូជី និងអ្វីដែលពួកអ្នករិះគន់និយាយថា គឺការសម្រេចចិត្តរបស់ខ្លួនដើម្បីចាប់លោកស្រីដាក់គុកនៅក្នុងអំឡុងពេលបោះឆ្នោតដែលត្រូវធ្វើនៅក្នុងឆ្នាំ២០១។
អគ្គលេខាធិការអង្គការសហប្រជាជាតិលោកបាន គីមូន កាលពី
សប្ដាហ៍មុនបានគាបសង្កត់របបនេះឱ្យដោះលែងពួកអ្នកទោសនយោបាយរួមមាន
លោកស្រីស៊ូជីដែរក្រោយពីកោះឱ្យមានកិច្ចប្រជុំមួយរបស់“ក្រុមមិត្តរបស់អគ្គលេខាធិការស្ដីពីបញ្ហាប្រទេសមីយ៉ាន់ម៉ា។
ពួក
អ្នកការទូតនិយាយថាដំណើរទស្សនកិច្ចមួយទៅកាន់ប្រទេសមីយ៉ាន់ម៉ា
បន្ទាប់មកនៅក្នុងសប្ដាហ៍នេះដោយសមាជិកព្រឹទ្ធសភាសហរដ្ឋអាមេរិកខាង
គណបក្សប្រជាធិបតេយ្យលោកជីមវេបតំណាងរាស្ត្រសហរដ្ឋអាមេរិក
លើកដំបូងបង្អស់ធ្វើទស្សនកិច្ចទៅកាន់ប្រទេសនេះនៅ
ក្នុងរយៈពេលជាង១០ឆ្នាំនោះអាចធ្វើឱ្យស្មុគស្មាញតទៅទៀតដល់ការលៃលក
ពេលវេលាសំរាប់សាលក្រមនោះ៕
ไม่มีความคิดเห็น:
แสดงความคิดเห็น